«Býrabaı» memlekettik ulttyq tabıǵı saıabaǵy Belarýs Respýblıkasynan ákelingen jabaıy ógizdermen, ıaǵnı zýbrlarmen tolyqty.
«Belovej nýy» ulttyq saıabaǵynan jetkizilgen eki-tórt jas aralyǵyndaǵy 10 jabaıy zýbrdy «Orman sharýashylyǵy» jaýapkershiligi shekteýli seriktestigi ózderinde ósirip, jersindirý úshin satyp alǵan.
Olardyń úsheýi – atalyq, jeteýi – analyq. Aldaǵy ýaqytta bul janýarlardyń sany kóbeıtilgen soń, «Býrabaı» memlekettik ulttyq tabıǵı saıabaǵynyń aýmaǵyn en jaılaıtyn jabaıy ógizder tabyny qurylady.
Saıabaq basshylarynyń sózderine qaraǵanda, munyń ózi HH ǵasyrdyń basynda tolyq joıylyp ketýge jaqyn qalǵan zýbrlardyń sanyn birtindep kóbeıtýge múmkindik bermekshi. Qazaqstannyń janýarlar álemin tolyqtyrýdy maqsat etetin bul qadam elimizdiń týrıstik klaster áleýetin arttyrýǵa da yqpal etetin bolady.
Baqbergen AMALBEK,
«Egemen Qazaqstan».
Aqmola oblysy.