Qazaqstanda muǵalimderden endi avtorlyq oqý baǵdarlamasyn ázirleý talap etilmeıdi. Bul týraly Oqý-aǵartý mınıstri Juldyz Súleımenova málimdedi. Mundaı sheshim muǵalimdermen uzaq talqylaýlardan keıin qabyldanǵan, dep jazady Egemen.kz.
Mınıstrdiń aıtýynsha, bul bastama kútken nátıjeni bermegen, sondyqtan júıeni ózgertý qajettiligi týyndaǵan.
«Biz muǵalimdermen birge bul máseleni uzaq ýaqyt talqyladyq. Avtorlyq oqý baǵdarlamalary da toqtatylady. Endi avtorlyq oqý baǵdarlamasyn jazýdyń jáne usynýdyń qajeti joq», dedi Juldyz Súleımenova.
Avtorlyq oqý baǵdarlamasy – jalpy bilim berý standarty negizinde jasalyp, pán mazmunyn anyqtaıtyn pedagogtiń shyǵarmashylyq jumysy sanalady. Alaıda mınıstrlik bul tetik kútken deńgeıde tıimdilik bermegenin atap ótti.
Rotasııa reformasy: Mektep dırektorlaryn shekti merzimge taǵaıyndaý qanshalyqty tıimdi?
Buǵan deıin mınıstr Juldyz Súleımenova avtorlyq baǵdarlamalar júıesine qatysty da pikir bildirgen edi. Ol bul bastamanyń bilim sapasyna naqty áserin anyq kórý qıyn ekenin aıtqan.
«Biz bul talaptyń bilim berý úderisiniń sapasyna naqty qanshalyqty áser etetinin, sondaı-aq daıyndalǵan baǵdarlamalardyń tájirıbede qanshasy qoldanylyp jatqanyn anyq kórip otyrǵan joqpyz», degen edi mınıstr.
Muǵalimderdiń pándik bilimin baǵalaý testi toqtatyldy
Osylaısha, jańa sheshim muǵalimderdiń júktemesin azaıtýǵa jáne oqý úderisin tıimdirek uıymdastyrýǵa baǵyttalǵan.
Jumys istep júrgen ustazdar biliktilik testin tapsyrýdan bosatyldy