«Báıterek» holdınginiń enshiles uıymy – «Otbasy bank» Azııa damý bankimen 90 mlrd teńge kóleminde qaryz berý týraly kelisimge qol qoıdy. Bul qarajat «Umaı» jáne «Jasyl ıpoteka» baǵdarlamalary aıasynda turǵyn úı nesıelerin berýge baǵyttalady. Alǵashqy kezeńde 2 myńnan astam nesıe berý josparlanyp otyr, dep habarlaıdy Egemen.kz.
Bank ókilderiniń aıtýynsha, «Umaı» baǵdarlamasy áıelderdiń ekonomıkalyq belsendiligin arttyrýǵa jáne olardyń baspana alý múmkindigin keńeıtýge baǵyttalǵan. Baǵdarlama boıynsha bastapqy jarna tómendetilgen sharttarmen beriledi, turǵyn úıdi elimizdiń kez kelgen óńirinen satyp alýǵa bolady. Buǵan deıin bul joba aıasynda 3 660 áıel baspanaly bolǵan.
Baǵdarlama qatysýshylary bastapqy jáne qaıtalama naryqtaǵy, sondaı-aq qurylys kezeńindegi páterlerdi (kepildik nemese saqtandyrý tetikteri arqyly) satyp ala alady. Sonymen qatar turǵyn úıdi jóndeýge de qosymsha nesıe rásimdeý múmkindigi bar.
Otbasy bank keıbir otandastarymyzdy turǵyn úı kezegine qoıýdan nege bas tartty?
Astana men Almaty qalalarynda bank turǵyn úı qunynyń 80%-yna deıin, al ózge óńirlerde 85%-yna deıin qarjylandyrady. Qalǵan bóligi bastapqy jarna retinde tólenedi. Nesıeniń eń joǵary somasy – 50 mln teńge, merzimi – 25 jylǵa deıin. Qatysý úshin otbasynyń aılyq tabysy 1,25 mln teńgeden aspaýy tıis.
«Umaı» baǵdarlamasy boıynsha alynǵan turǵyn úı áıeldiń atyna rásimdeledi, nekede bolǵan jaǵdaıda ortaq menshik retinde tirkeledi. Birneshe qaryz alýshyny tartýǵa da ruqsat etiledi.
Al «Jasyl ıpoteka» baǵdarlamasy energııa únemdeıtin turǵyn úılerdi satyp alýǵa baǵyttalǵan. Sebebi eldegi turǵyn úılerdiń basym bóligi joǵary energııa tutynatyn sanatqa jatady. Bul baǵdarlama kommýnaldyq shyǵyndardy azaıtýǵa jáne ekologııalyq standarttarǵa saı qurylys naryǵyn damytýǵa yqpal etedi.
«Jasyl ıpoteka» arqyly OMIR sertıfıkaty (kúmis, altyn nemese platına deńgeıi) bar turǵyn úılerdi satyp alýǵa bolady. Sharttary «Umaı» baǵdarlamasyna uqsas: 80%-ǵa deıin qarjylandyrý, 50 mln teńgege deıin nesıe, 25 jylǵa deıingi merzim jáne qosymsha jóndeý nesıesi qarastyrylǵan.
«Otbasy bank»: 600 myńǵa jýyq adam memlekettik syıaqy aldy
Eki baǵdarlama boıynsha da sońǵy 6 aıdaǵy resmı tabys rastalýy qajet. Turǵyn úıdi eldiń kez kelgen óńirinen, tirkeýge qaramastan satyp alýǵa bolady.
Baǵdarlamalardyń naqty iske qosylý ýaqyty qosymsha habarlanady.