Memleket basshysy Qasym-Jomart Toqaev ǵalymdardy marapattaý rásiminde sóılegen sózinde zerdeli ári zııatker urpaq tárbıeleýge memleket te, ata-analar da birdeı jaýapty ekenin aıtty, dep habarlaıdy Egemen.kz.
«Ǵylymdy qoldaý, ǵalymdarǵa el bolyp qurmet kórsetý, bul – eń aldymen qoǵamda eńbekqorlyq, bilimpazdyq, jasampazdyq qundylyqtaryn ornyqtyrý degen sóz. Halqymyzdyń oıy ozyq bolsa, óskeleń urpaqtyń da ǵylym-bilimge degen yqylasy aıryqsha bolary anyq. Zerdeli ári zııatker urpaq tárbıeleý – barshaǵa ortaq paryz. Oǵan memleket te, ata-analar da birdeı jaýapty», dedi Prezıdent.
Prezıdent: Adamzattyń barlyq jetistigi – ǵalymdardyń zııatkerlik eńbeginiń jemisi
Osy rette ol byltyr «Keleshek» biryńǵaı jınaqtaý júıesin qurý týraly tıisti zańǵa qol qoıǵanyn eske saldy. Bul júıe arqyly ata-analar balasynyń bolashaqta sapaly bilim alýyna qarajat jınaı alady. Memleket basshysynyń aıtýynsha, qazirdiń ózinde 200 myńǵa jýyq azamat arnaıy esepshot ashqan. Muny bolashaqqa salynǵan eń utymdy ınvestısııa deýge bolady.
Budan soń, ol ǵylymnyń áleýetin el ıgiligine jaratýdyń mańyzyn aıtty.
«Ǵalymdarymyz ashqan jańalyqtar zerthanalar aıasynda qalyp qoımaýy kerek. Naqty nátıje beretin, óndiriske engizýge bolatyn jobalardy júzege asyrý qajet. Bir sózben, ǵylym ekonomıka men qoǵamnyń suranysyna saı bolýǵa tıis. Bul maqsat Úkimettiń udaıy nazarynda bolýy kerek, sebebi osy mindettiń elimiz úshin mán-maǵynasy erekshe. Sonymen qatar bul – álemdegi eń úzdik kompanııalardyń berik ustanymy, buljymas qaǵıdasy. Jahandyq deńgeıdegi iri tehnologııalyq korporasııalar birinshi kezekte bilim men ǵylymǵa basymdyq beredi, ǵylymı jańalyqtardy óndiriske jedel engizedi. Talanttardy qyzmetke tartý jaǵynan da bul kompanııalar kósh bastap tur. Adam kapıtaly olardyń negizgi kúsh-qýaty sanalady. Tehnologııa men ınnovasııa – damýdyń eń basty ári balamasyz sharty. Muny HHI ǵasyrdyń úzdik kompanııalary dáleldep otyr», dedi Q.Toqaev.