Májilistiń jalpy otyrysynda «Reıtıngtik qyzmet týraly» zań jobasy jáne oǵan ilespe túzetýler birinshi oqylymda qaraldy. Atalǵan zań jobasy boıynsha elimizde táýelsiz ulttyq reıtıngtik baǵalaý ınstıtýty retinde Qazaqstannyń reıtıngtik agenttigi qurylmaq, dep habarlaıdy Egemen.kz.
7 taraý 30 baptan turatyn qujatty Qarjy naryǵyn retteý jáne damytý agenttigi tóraǵasy Madına Ábilqasymova tanystyrdy. Agenttik tóraǵasynyń aıtýynsha, atalǵan zań jobasy Qazaqstandaǵy kredıttik reıtıngtik agenttikter qyzmetin quqyqtyq turǵydan alǵash ret júıeli túrde retteýge baǵyttalǵan.
«Zań jobasy reıtıngtik qyzmetti memlekettik retteý men qadaǵalaýdyń keshendi modelin qalyptastyrady. Sonymen qatar ilespe zań jobasy aıasynda 3 kodeks pen 18 zańǵa ózgerister men tolyqtyrýlar engizý kózdelgen. Jańa zańda kelesi reıtıngtik qyzmettiń quqyqtyq negizderin belgileý, reıtıngtik qyzmettiń ashyqtyǵy men táýelsizdigin qamtamasyz etý, reıtıngtik qyzmetti monıtorıngteý jáne qadaǵalaý, qarjylyq qyzmetterdi tutynýshylardyń qarjylyq saýattylyǵyn arttyrý mindetteri aıqyndalǵan», dedi Madına Ábilqasymova.
Álemdegi eń baqytty elderdiń reıtıngi jarııalandy: Qazaqstan neshinshi orynda tur?
Zań jobasy sheńberinde kredıttik reıtıngtik agenttikterdiń úsh túrin qamtıtyn ınstıtýsıonaldyq model engizilmek. Alǵashqy model boıynsha táýelsiz ulttyq reıtıngtik baǵalaý ınstıtýty retinde Qazaqstannyń reıtıngtik agenttigin qurý usynylady. Onyń aksıonerleri qatarynda Ulttyq bank, halyqaralyq reıtıngtik agenttikter jáne basqa da qarjy uıymdary enedi. Ulttyq bank agenttiktiń qarjylyq turaqtylyǵyn qamtamasyz etip, qarjy naryǵy tarapynan senimdi arttyrýǵa yqpal etedi.
Qazaqstan álemdik bilim berý reıtınginde 18-orynda tur
Al budan keıingi kezekte halyqaralyq reıtıngtik agenttikter qyzmeti qarastyrylǵan. Olardyń qataryna Standard & Poor's, Moody's, Fitch Ratings, sondaı-aq Ekonomıkalyq yntymaqtastyq jáne damý uıymyna múshe keminde bes el moıyndaǵan ózge de reıtıngtik agenttikterdi tartý josparlanǵan.
Nurbolat AMANBEK