Palata Spıkeri Qabıbolla Jaqypovtyń tóraǵalyǵymen Májilis bıýrosy ótip, onda aldaǵy jalpy otyrystyń kún tártibi naqtylandy, dep habarlady osy palatanyń baspasóz qyzmeti.
Depýtattar nazaryna birqatar ratıfıkasııalyq zań jobalaryn qaraý usynylyp otyr. Olar: Eýrazııalyq ekonomıkalyq odaq týraly shartqa Qyrǵyz Respýblıkasynyń qosylýyna baılanysty EAEO quqyǵyna kiretin jekelegen halyqaralyq sharttarǵa túzetýlerge, sonymen qatar, Italııamen, adamdardy ustap berý jáne Italııamen, Rýmynııamen, Bolgarııamen qylmystyq ister boıynsha ózara quqyqtyq kómek týraly sharttardy ratıfıkasııalaýǵa qatysty bolmaq.
Sonymen qatar, jalpy otyrysta 2014 jylǵy 29 mamyrdaǵy EAEO týraly shartqa Qyrǵyz Respýblıkasynyń qosylýy týraly shartqa Armenııa Respýblıkasynyń qosylýy týraly hattamany ratıfıkasııalaýǵa baılanysty beıindi komıtetterge qorytyndy ázirleý merzimi taǵaıyndalady.