Taraz qalasynda №40 gımnazııa aýmaǵynda bıiktikten qulaǵan mektep oqýshysy aýyr jaraqat aldy. Bul aqparatty Jambyl oblysy Polısııa departamenti rastady, dep habarlaıdy Egemen.kz.
«Atalǵan fakti boıynsha qylmystyq is qozǵaldy. Polısııa qyzmetkerleri oqıǵanyń barlyq mán-jaıyn anyqtap jatyr. Tekserý nátıjesi boıynsha qoldanystaǵy zańnamaǵa sáıkes prosessýaldyq sheshim qabyldanady», delingen habarlamada.
Polısııa Qylmystyq-prosestik kodekstiń 201-babyna sáıkes, tergeý múddesine baılanysty ózge aqparat jarııa etilmeıtinin atap ótti.
Shymkentte ústine aǵash qulaǵan 4-synyp oqýshy qaza tapty
BAQ málimetinshe, 10-synyp oqýshysy ǵımarattyń syrtynda ornalasqan órt sóndirý baspaldaǵyna kóterilgen. Beınebaqylaý kameralaryndaǵy jazbalarda jasóspirimniń baspaldaq qorshaýynda otyrǵany, keıin tepe-teńdigin joǵaltyp, tómenge qulaǵany kórinedi.
Astanada kópqabatty úıdiń terezesinen qulaǵan bala qaza tapty
Qulaǵannan keıin oqýshy jedel túrde oblystyq balalar aýrýhanasyna jetkizilgen. Dárigerler oǵan aýyr jaraqattar – bas mıynyń oshaqtyq jaraqatyn, oń jaq san súıeginiń synýyn, buǵananyń synýyn jáne ishki aǵzalardyń jyrtylýyn anyqtaǵan. Jasóspirim jansaqtaý bóliminde jatyr. Dárigerler onyń jaǵdaıyn asa aýyr dep baǵalap otyr.