Gondýrasta bolǵan eki qarýly shabýyl saldarynan 25 adam, onyń ishinde 6 polısııa qyzmetkeri qaza tapty, dep habarlaıdy Egemen.kz.
Málimetke sáıkes, alǵashqy oqıǵa eldiń soltústigindegi Trýhılo mýnısıpalıtetindegi plantasııada bolǵan. Belgisiz qarýly adamdar jumysshylarǵa oq jaýdyryp, keminde 19 adam kóz jumdy. Qurbandardyń naqty sany ázirge anyqtalǵan joq, sebebi týystary máıitterdiń bir bóligin oqıǵa ornynan alyp ketken.
Ekinshi shabýyl Gvatemala shekarasyna jaqyn ornalasqan Kortes departamentiniń Omoa mýnısıpalıtetinde bolǵan. Qarýly toptar Tegýsıgalpadan bandalyq qurylymdarǵa qarsy operasııaǵa qatysý úshin kele jatqan polısııa qyzmetkerlerine shabýyl jasaǵan. Sonyń saldarynan 6 polıseı, onyń ishinde joǵary laýazymdy ofıser qaza tapty.
Gondýras Qaýipsizdik mınıstrligi shabýyl jasalǵan aımaqtarǵa polısııa men qarýly kúshterdiń bólimsheleri jiberilgenin málimdedi.
Oqıǵalardy tergeý úshin krımınalıster men prokýrorlardyń qatysýymen arnaıy tergeý toptary quryldy.
Aıta keteıik, Qytaıdyń ońtústigi men ortalyq bóliginde nóser jańbyr saldarynan bolǵan joıqyn sý tasqyny saldarynan 18 adam qaza tapty.