Bas prokýror Berik Asylov halyqaralyq quqyqtyq yntymaqtastyqty nyǵaıtý maqsatynda Gonkong qalasyna jumys saparymen bardy. Sapar barysynda Gonkongtyń Qaýipsizdik jónindegi hatshysy Krıs Tangpen kezdesý ótkizdi, dep habarlaıdy Egemen.kz.
Qaýipsizdik jónindegi hatshy óńirdegi polısııa, kóshi-qon, keden, qylmystyq-atqarý, órtke qarsy jáne avıasııalyq-qutqarý qyzmetteriniń jumysyn úılestiredi.
Kezdesý kezinde taraptar transulttyq qylmysqa qarsy kúres, izdeýde júrgen adamdardy ekstradısııalaý, zańsyz shyǵarylǵan aktıvterdi qaıtarý jáne qylmystyq jolmen alynǵan kiristerdi jylystatýǵa qarsy is-qımyl máselelerin talqylady.
«Qaraǵandy – Jezqazǵan» avtojolyn salý: Vashıngtonda qarjylandyrý týraly kelisimge qol qoıyldy
Kelissózder nátıjesinde qylmyskerlerdi ustap berý týraly, qylmystyq ister boıynsha ózara quqyqtyq kómek kórsetý týraly, sottalǵan adamdardy berý týraly memleketaralyq kelisimderge qol qoıyldy.
Sonymen qatar taraptar jedel jáne krımınalıstıkalyq aqparat almasýǵa, zamanaýı tehnologııalar men jasandy ıntellektini qoldaný arqyly qylmystardy tergeý tájirıbesin jetildirýge ýaǵdalasty.
Qazaqstan men Marokko qylmyskerlerdi ustap berý týraly kelisimge keldi
Bas prokýratýra málimetinshe, Gonkong álemdegi iri qarjy ortalyqtarynyń biri sanalady. Buǵan deıin Qazaqstan Makao jáne Sıngapýr memleketterimen de qylmystyq-quqyqtyq saladaǵy halyqaralyq kelisimderge qol qoıǵan bolatyn.
Osylaısha, Qazaqstan Respýblıkasynyń Bas prokýratýrasy Shyǵys Azııadaǵy negizgi ofshorlyq aımaqtarmen quqyqtyq kómek kórsetýge qatysty halyqaralyq quqyqtyq bazany qalyptastyrý jumysyn aıaqtaǵanyn málimdedi.