L.N. Gýmılev atyndaǵy Eýrazııa ulttyq ýnıversıtetinde joǵary oqý ornynyń 30 jyldyǵyna arnalǵan saltanatty is-sharalar ótti. Mereıtoılyq baǵdarlama aıasynda halyqaralyq Lý Ban sheberhanasynyń ashylýy men memleket jáne qoǵam qaıratkerleriniń, sheteldik seriktesterdiń, ǵalymdar men túlekterdiń qatysýymen Ǵylymı keńestiń saltanatty otyrysy uıymdastyryldy, dep habarlaıdy Egemen.kz.
Lý Ban sheberhanasynyń lentasyn qııý rásimine Ǵylym jáne joǵary bilim mınıstri Saıasat Nurbek, L.N. Gýmılev atyndaǵy Eýrazııa ulttyq ýnıversıteti basqarma tóraǵasy – rektory Erlan Sydyqov, sondaı-aq Qytaı Halyq Respýblıkasynyń Qazaqstan Respýblıkasyndaǵy Tótenshe jáne О́kiletti Elshisi Han Chýnlın qatysty.
Lý Ban sheberhanasy – Memleket basshysynyń tapsyrmasy aıasynda júzege asyrylyp jatqan, joǵary bilikti tehnıkalyq mamandar daıarlaýǵa arnalǵan ınnovasııalyq bilim berý ortalyqtaryn qurý boıynsha birlesken qazaqstandyq-qytaılyq joba.
Qazaqstandyq túlekter UBT sertıfıkatymen Malaızııa ýnıversıtetterine túse alady
L.N. Gýmılev atyndaǵy Eýrazııa ulttyq ýnıversıtetiniń Lý Ban sheberhanasy Tıanszın kásiptik ınstıtýtymen birlesip júzege asyryldy jáne tehnıkalyq ári IT-bilim berýdi damytýǵa, sondaı-aq jasandy ıntellekt pen sıfrlyq sheshimder salasynda suranysqa ıe mamandar daıarlaýǵa baǵyttalǵan. Lý Ban sheberhanasy halyqaralyq tájirıbe almasý men ýnıversıtettiń ınnovasııalyq ekojúıesin damytýdyń jańa alańyna aınaldy.
Sheberhanany aralaý barysynda qonaqtarǵa avtomattandyrylǵan óndiristik jeliler, joǵary ónimdi esepteýler, ushqyshsyz júıeler, mashınalyq kórý jáne robototehnıka zerthanalary tanystyryldy. EUÝ stýdentteri men IT-mamandary jasandy ıntellekt salasyndaǵy jobalaryn usyndy. Olardyń qatarynda úlken tildik modelderge negizdelgen bilim platformasy, kórý qabileti nashar adamdarǵa arnalǵan navıgasııalyq júıe, ıntellektýaldy beıne taldaý tehnologııalary, Industrial AI jáne basqa da ázirlemeler bar.
Qazaqstanda bıyl ashylatyn JI ýnıversıtetine kimder túse alady?
Ǵylymı keńestiń saltanatty otyrysy teatrlandyrylǵan prolog, beıneprezentasııa jáne merekelik fleshmobpen jalǵasty. EUÝ-dyń basqarma tóraǵasy-rektor Erlan Sydyqov jınalǵan qaýymdy jáne osy oqý ornynda eńbek etip, elimizdiń bilim, ǵylym salasyna aıryqsha úles qosyp júrgen ǵalymdardy, oqytýshylardy mereıli 30 jyldyq merekemen quttyqtady jáne mereıli beleske ýnıversıtet úlken tabystarmen jetkendigine toqtaldy.
«Ýnıversıtetimizdiń basty baılyǵy – ol ýnıversıtetimizdiń ujymy.Bilim ordasynyń irgesin qalap, búgingi bıikke jetýimizge ólsheýsiz úlesin qosqan ardagerlerimiz ben ustazdarymyzǵa alǵysymyz sheksiz.Sizderdiń tájirıbelerińiz ben tálim-tárbıelerińiz biz úshin árqashan úlgi. Jyl saıyn úles qosyp júrgen professor-oqytýshylar quramyna, qyzmetkerlerge jáne stýdentter men jas ustazdarǵa shynaıy yqylasymdy bildiremin», dedi rektor.
Ǵylym jáne joǵary bilim mınıstri Saıasat Nurbek Memleket basshysy Qasym-Jomart Toqaevtyń quttyqtaýyn oqyp berdi. Onda ýnıversıtet alǵash qurylǵan kúnnen bastap táýelsizdikpen birge jasasyp kele jatqany jáne elimizdiń betke ustar bilim uıasyna aınalǵany aıtylǵan. Qurylǵanyna 50 jyl tolmaǵan álemdik ýnıversıtet arasynda EUÝ-dyń kósh bastaǵanyn jetkizip, aldaǵy ýaqytta bilim men ǵylymnyń kóshbasshysy bolyp, ulttyq ýnıversıtettiń bedelin arttyra beretinine jáne ýnıversıtet túlekteri elimizdiń barlyq salasynda jemisti eńbek etetinine senim bildirgen. Otandyq joǵary oqý oryndarynyń arasynda aldy ekeni atalyp, EUÝ aldaǵy ýaqytta da joǵary bilikti mamandardy daıarlaýda mańyzdy ǵylymı-bilim berý ortalyǵy retinde qala beretinine úmit artqan.
«Sizderdi L.N. Gýmılev atyndaǵy Eýrazııa ulttyq ýnıversıtetiniń 30 jyldyq mereıtoıymen shyn júrekten quttyqtaımyn! Osydan 30 jyl buryn qurylyp, EUÝ Eýropa, Azııa, AQSh, taǵy basqa sheteldik joǵary oqý oryndarymen, túrli ǵylymı-zertteý ortalyqtarymen, shetel memleketteriniń elshilikterimen, halyqaralyq bilim berý uıymdarymen qarym-qatynas jasaıtyn jetekshi ýnıversıtetke aınaldy», delingen Prezıdent quttyqtaýynda.
Sondaı-aq jıyn barysynda Reseı, Belarýs jáne Ázerbaıjan prezıdentteriniń quttyqtaý hattary oqyldy jáne ýnıversıtet ujymyn Parlament Senaty men Májilis tóraǵalary, dıplomatııalyq korpýs ókilderi, sheteldik seriktester, Bas prokýratýra, Joǵarǵy sot, joǵary oqý oryndarynyń rektorlary jáne L.N. Gýmılev atyndaǵy Eýrazııa ulttyq ýnıversıteti túlekteri quttyqtady.
«Bir beldeý – bir jol»: Áýezov ýnıversıtetinde Qytaı ortalyǵy ashyldy
«Búgin otandyq ǵylym men joǵary bilim salasynda aıtýly mereke. Ýnıversıtet búginde tek Ortalyq Azııa keńistiginde ǵana emes, álemdik deńgeıdegi irgeli joǵary oqý ornyna aınaldy. 30 jyldyq tarıhy bar EUÝ búginde zaman suranysyna jaýap bere alatyn, biliktiligi men bilimi, tájirıbesi men talanty bir arnaǵa toǵysqan sala ıelerin daıarlaýdy aıqyn maqsat etip keledi. Ulttyq ýnıversıtet ǵylym men bilim aıdynynda júktelgen mindetterdi joǵary nátıjemen júzege asyryp otyr. Búgingi nátıjeli jumys pen irgeli belester ýnıversıtet ujymynyń tabandy eńbeginiń arqasy dep baǵamdaımyn», dedi EUÝ túlegi, Ǵylym jáne joǵary bilim mınıstri Saıasat Nurbek.
Ýnıversıtettiń 30 jyldyǵyn merekeleý kampýs aýmaǵynda stýdentterdi, oqytýshylardy, túlekter men qonaqtardy biriktirgen mádenı-kópshilik is-sharalarmen jalǵasty. Qatysýshylar úshin palaý festıvali, merekelik konsert, ulttyq oıyndar, kórme jáne ınteraktıvti alańdar, sondaı-aq EUÝ túlekteriniń sleti ótkizildi. Merekelik baǵdarlamaǵa qazaqstandyq ónerpazdardyń shyǵarmashylyq qoıylymdary, sporttyq sharalar men ýnıversıtettiń kópultty mádenıeti men stýdenttik rýhyn aıshyqtaıtyn halyqtyq serýender endi.
Búginde L.N. Gýmılev atyndaǵy Eýrazııa ulttyq ýnıversıteti – Qazaqstan men Ortalyq Azııadaǵy jetekshi zertteý ýnıversıtetteriniń biri. Ýnıversıtette 27 myńnan astam stýdent bilim alady, al bilim berý jáne ǵylymı úderisti shamamen 3 myń oqytýshy men qyzmetker qamtamasyz etedi. Ýnıversıtet 200-den astam bilim berý baǵdarlamasyn júzege asyryp, halyqaralyq yntymaqtastyqty, sıfrlyq tehnologııalardy jáne jasandy ıntellekt, ınjenerııa, ıadrolyq fızıka, bıotehnologııa jáne basqa da baǵyttar boıynsha ǵylymı zertteýlerdi belsendi damytýda. QS World University Rankings 2026 qorytyndysy boıynsha EUÝ álemniń jetekshi ýnıversıtetteri arasynda 317-orynǵa ıe.