Aqmola oblysynyń Ereımentaý aýdanynda sheteldik ınvestorlardyń qatysýymen Big Farm kásiporyny et óndirý boıynsha ıntegrasııalanǵan keshen qurý josparlanýda. Jobaǵa Ispanııa kompanııalary qatysýda, dep habarlaıdy Egemen.kz QR Aýyl sharýashylyǵy mınıstrliginiń baspasóz qyzmetine silteme jasap.
Big Farm jobasyn qosa alǵanda, ınvestısııalyq yntymaqtastyqty Parıjdegi DJDU 93-shi Bas sessııasynyń aıasynda Qazaqstannyń aýyl sharýashylyǵy mınıstri Aıdarbek Saparov pen Ispanııanyń aýyl sharýashylyǵy, balyq sharýashylyǵy jáne azyq-túlik mınıstri Lýıs Planas talqylady. Aýyl sharýashylyǵy mınıstrliginiń aqparaty boıynsha, joba Aqmola oblysynda 20 myń bas angýs tuqymdy iri qara mal ustaıtyn etti mal sharýashylyǵyn damytýdy kózdeıdi. Jobany iske asyrý úshin aýdany 70 myń ga jer ýchaskesi bólindi. Investısııalardyń jalpy kólemi 132 mln eýrony quraıdy. 250 jumys ornyn qurý josparlanýda.
Sonymen qatar, Aýyl sharýashylyǵy mınıstrlikteriniń basshylary ózara taýar aınalymyn keńeıtý josparlaryn talqylady. 2025 jyldyń qorytyndysy boıynsha qazaqstandyq aýyl sharýashylyǵy ónimderiniń Ispanııaǵa eksporty eki esege artty. Jetkizý qurylymyndaǵy negizgi úlesti dándi daqyldar, kókónis burshaq daqyldary, efır maılary aldy.
«Búgingi tańda bizdiń elderimiz aýyl sharýashylyǵy jáne AО́K ónimderiniń saýdasy salasyndaǵy yntymaqtastyqta oń dınamıkany saqtap keledi. Sonymen qatar, ekijaqty yntymaqtastyqtyń qolda bar áleýeti tolyq kólemde paıdalanylmaıdy dep sanaımyz», - dedi Aıdarbek Saparov.
Aýyl sharýashylyǵy mınıstrliginiń basshysy Qazaqstan astyq jáne maıly daqyldar, qaıta óńdeý ónimderi, jemshóp ónimderi jáne basqa da ózara múddeli aýyl sharýashylyǵy taýarlarynyń eksportyn ulǵaıtý esebinen Ispanııa naryǵynda qatysýyn keńeıtýge daıyn ekenin málimdedi.