Bes kúnnen keıin Astana Eýrazııalyq ekonomıkalyq ıntegrasııanyń, sıfrlandyrýdyń jáne tehnologııalyq damýdyń bolashaǵyn talqylaýdyń ortalyq alańyna aınalady. Eýrazııalyq ekonomıkalyq odaq elderiniń basyn qosatyn iskerlik forýmy 28-29 mamyrda uıymdastyrylady, dep habarlaıdy Egemen.kz
Forýmnyń basty taqyryby – «Jahandyq sıfrlyq básekedegi EEO: Jasandy ıntellektke ıek artý».
Jıynnyń basty oqıǵasy EEO memleketteriniń kóshbasshylary men Halyqaralyq delegasııalar basshylarynyń qatysýymen ótetin plenarlyq otyrys bolmaq.
Forýmǵa 1250-ge jýyq kásipker, Eýrazııalyq ekonomıkalyq odaq elderi men baqylaýshy memleketterdiń 350-den astam memlekettik organdarynyń ókilderi, halyqaralyq uıymdardyń 130-dan astam ókilderi, sondaı-aq AQSh, Qytaı, Ázirbaıjan, Vetnam, Egıpet, Mońǵolııa, Túrikmenstan, Tájikstan jáne basqa da elderden 70-ke jýyq delegattar qatysady dep josparlanýda.