ASTANA. 1 naýryz. Astana qalasyndaǵy «Alaý» muz aıdynynda konkımen jarystan álem chempıonaty aıaqtaldy. Bul týraly egemen.kz habarlady.
Eki kúnge sozylǵan chempıonat barysynda sportshylar sprınterlik kópsaıys boıynsha synǵa tústi. Astana tórindegi aıdynda 16 memleketten kelgen 64 sportshy baq synady. Barlyq qatysýshylar eki kúnde de 500 jáne 1000 metrge jarysty. Sonyń qorytyndysy boıynsha álem chempıondary anyqtaldy.
О́z jerimizde ótken álemdik dodada el namysyn tórt sportshymyz qorǵady. Olar Ekaterına Aıdova, Denıs Kýzın, Roman Krech jáne Aleksandr Jıgın. Sondaı-aq, Astanadaǵy álem chempıonatynda Shanı Devıs, Mıshel Mıýlder, Kýn Verveı syndy álemge tanymal konkıshiler de aıdynǵa shyqty.
О́kinishke qaraı, jarys barysynda otandyq sportshylar júldege ilige almady. Eń joǵary kórsetkish Katıanyń enshisinde. Ol jalpy esepte 4-orynǵa taban tiredi. Al erler arasyndaǵy básekede Denıs Kýzın 11-orynnan kórinse, Roman Krech 14-satyǵa jaıǵasty. Aleksandr Jıgın 32 sportshynyń arasynan 30-oryndy ǵana qanaǵat tutty.
Álemdik dodanyń qorytyndysy boıynsha qyzdar básekesinde Brıtnı Boý (AQSh) chempıon atandy. Onyń otandasy Hızer Rıchardson kúmis júldege ıe bolsa, chehııalyq Karolına Erbanova úzdik úshtikti túıindedi.
Al erler arasyndaǵy tartysta reseılik Pavel Kýlıjnıkov top jardy. Ekinshi orynǵa Nıderlandy senim artqan Heın Ottersper taban tiredi. Qola júlde taǵy bir reseılik sportshy Alekseı Esınniń qanjyǵasynda ketti.
Elaman Qońyr.
Derek: egemen.kz.
Sýret: astana.gov.kz.