Premer-mınıstrdiń orynbasary – Ulttyq ekonomıka mınıstri Serik Jumanǵarın «Valmont Industries» kompanııasynyń Eýrazııa jáne Latyn Amerıkasy boıynsha aımaqtyq vıse-prezıdenti Fılıpp Shmıdt-Holsman bastaǵan delegasııamen kezdesti.
Jıynda elimizde sýarmaly eginshilikti damytý, zamanaýı sý únemdeý tehnologııasyn engizý jáne mehanıkalandyrylǵan ırrıgasııalyq júıelerdiń álemdik iri óndirýshileri men dıstrıbıýtorynyń biri VALLEY/Valmont Industries jańbyrlatyp sýarý mashınalaryn bizdiń elde de qurastyrý jobasyn júzege asyrý máseleleri talqylandy. Serik Jumanǵarın sýarmaly jerler aýmaǵyn keńeıtý agroónerkásip keshenindegi memlekettik saıasat basymdyǵynyń biri ekenin jetkizdi.
«Elimizdegi aýyl sharýashylyǵy jerleriniń áleýeti zor ekenin bilemiz. Memleket basshysynyń sýarmaly jer kólemin ulǵaıtý jónindegi tapsyrmasyn eskere otyryp, ırrıgasııalyq zamanaýı tehnıka óndirisin damytý biz úshin erekshe mańyzǵa ıe. Búginde «Valmont Industries» kompanııasynyń jobasy qyzyǵýshylyq týdyryp otyr. Ol otandyq fermerlerge qajetti jabdyqty jetkizý merzimin edáýir qysqartýǵa múmkindik beredi», dep atap ótti Serik Jumanǵarın.
Búgingi tańda VALLEY sýarý mashınasyn elimizde qurastyrýdy júzege aspaq. О́ndiristik alań otandyq «Imstalkon» AQ holdınginiń bazasynda qurylǵan. Onda «keden qoımasy» jáne «erkin qoıma» rejimi bar aımaqtar sekildi qajetti ınfraqurylymmen qamtylǵan.
Joba qazirdiń ózinde áleýetin tanytyp, naryqta joǵary suranysqa ıe. Tek Qaraǵandy oblysynda shamamen 250 jańbyrlatyp sýarý mashınasyn óndirýge baǵyttalǵan keleshegi zor jobalardyń portfeli qalyptastyryldy. Bul 25 myń gektarǵa jýyq aýyl sharýashylyǵy alqabyn sýarýǵa múmkindik beredi.
Kezdesýge qatysýshylar óndiristi jergiliktendirý jabdyqtardy jetkizý merzimin qysqartýǵa, oǵan otandyq aýyl sharýashylyǵy óndirýshileriniń qol jetkizýin arttyrýǵa múmkindik beretinin ári Qazaqstanda sý únemdeý tehnologııasy men sýarmaly eginshilikti damytýdaǵy mańyzdy qadam bolatynyn atap ótti.
Kezdesý qorytyndysynda Serik Jumanǵarın Aýyl sharýashylyǵy mınıstrligine múddeli memlekettik organdarmen, ákimdiktermen birlesip, óndiristi jergilikti jerde ashyp, fermerlerdiń zamanaýı ırrıgasııalyq tehnıkaǵa qol jetkizýin arttyrýda ınvestorlarmen jumysty jalǵastyrýdy tapsyrdy.