TARAZ. 20 tamyz. Jambyl oblysynyń ákimi K.Kókirekbaev Qyrǵyz Respýblıkasy Shý, Talas oblystarynyń gýbernatorlarymen kezdesti. Bul týraly egemen.kz tilshisi habarlady.
Qos taraptyń ókilderi Eýrazııalyq ekonomıkalyq odaqtyń talaptary, taýar aınalymy, júk tasymaly, kóshi-qon máselelerin talqylady. Sonymen qatar, týrıster men kásipkerlerge óz tıimdiligin kórsetetin kedendik kederginiń joıylýyna qatysty shekarada oryn alǵan ózgerister de nazardan tys qalǵan joq.
Esterińizge sala ketsek, ústimizdegi jyldyń 12 tamyzy kúni Qyrǵyzstan Eýrazııalyq ekonomıkalyq odaqtyń besinshi múshesi retinde qabyldanyp, qos memlekettiń prezıdentteri segiz birdeı keden beketin resmı túrde alyp tastaǵan bolatyn. Qazir Odaqqa múshe memleketterdiń arasyn tek shekarashylar ǵana kúzetýde.
Aıta ketý kerek, Qyrǵyz Respýblıkasynyń memlekettik shekarasynyń negizgi bóligi Jambyl oblysynyń aýmaǵynan ótedi. Jalpy uzyndyǵy – 716 shaqyrym. Eki el arasyndaǵy memlekettik, ekonomıkalyq jáne áleýmettik qatynastar oblys aýmaǵyndaǵy 7 baqylap ótkizý pýnkti arqyly atqarylady. Olar Qordaı, Jambyl, Merki, Turar Rysqulov aýdandarynda ornalasqan. Sondaı-aq, 6 aýdan – Jambyl, Jýaly, Merki, T. Rysqulov, Shý jáne Qordaı shekaralas aýmaqtar bolyp sanalady.
Oralhan Dáýit.
Derek, sýret: egemen.kz.