Keńeske Qaýipsizdik Keńesiniń turaqty músheleri men birqatar memlekettik organdardyń basshylary qatysty. Onda arnaıy organdardyń qyzmetin jetildirý, taldaý jáne boljaý jumystarynyń sapasyn arttyrý máseleleri qaraldy.
Memleket basshysy syrtqy naryqtardaǵy úderisterdi muqııattylyqpen monıtorıngteý, ahýaldyń ózgerýin, yqtımal táýekelder men qaterlerdi baǵalaý, sondaı-aq, oqıǵalardyń damýyn boljaý negizinde aldyn alý sharalaryn ázirleý qajettigin atap ótti.
Prezıdent, sondaı-aq, memlekettik organdardyń áleýmettik-ekonomıkalyq damý, bes ınstıtýttyq reformanyń jáne «Nurly Jol» baǵdarlamasynyń strategııalyq mindetterin júzege asyrý jónindegi jumystary el ishindegi jáne álemdegi jaǵdaıdy jan-jaqty taldaýǵa negizdelýi tıis ekendigin atady. Jıyn qorytyndysy boıynsha memlekettik organdarǵa naqty tapsyrmalar berildi.
Sýretti túsirgender
S.BONDARENKO, B.OTARBAEV.