ASTANA. 18 mamyr. Avstrııa astanasy – Venada «Eýrovıdenıe-2015» án baıqaýynyń ashylý saltanaty ótti. Bul týraly ntv.ru habarlady.
Baıqaý bıyl 60-shy ret uıymdastyrylyp otyr. Venadaǵy saıysta 40 eldiń ókili baq synaıdy. 19 jáne 21 mamyr kúnderi alǵashqy jartylaı fınaldar ótedi. Al fınal 23 mamyrǵa josparlanǵan.
«Eýrovıdenıe» baıqaýy dástúr boıynsha ótken jylǵy jeńimpaz ánshiniń elinde ótedi. Byltyr Danııada ótken baıqaýda Avstrııa ánshisi Konchıta Výrsttiń jeńiske jetkeni belgili.
Atalǵan baıqaýǵa Avstralııa alǵash ret qatysýda. Eger jasyl qurlyqtyń ánshisi jeńiske jetse, bul el kelesi jyly da qatysý múmkindigine ıe bolady. Degenmen, ol baıqaý dástúr boıynsha Avstralııada emes, Eýropada ótedi.
Sonymen qatar, bıylǵy án saıysyna Kıpr, Serbııa jáne Chehııa elderi qaıta oralsa, Túrkııa, Horvatııa, Ýkraına, Bolgarııa, Marokko, Monako, Slovakııa, Andorra, Lıhtenshteın, Lıvan, sondaı-aq, Bosnııa jáne Gersegovına qatysýdan bas tartty.
Elaman Qońyr.
Derek: ntv.ru.
Sýret: wikipedia.org.