ORAL. 18 mamyr. Batys Qazaqstan oblysynyń ortalyǵy – Oral qalasynda Alash qaıratkeri, oıshyl, aqyn, aǵartýshy Ǵumar Qarashtyń týǵanyna 140 jyl tolýyna oraı «Ǵumar Qarash – tarıhı tulǵa» atty ǵylymı-praktıkalyq konferensııa ótti. Bul týraly egemen.kz tilshisi habarlady.
Is-shara barysynda aǵartýshynyń óleńderine fılosofııalyq taldaýlar jasalyp, shyǵarmalarynyń áli kúnge ózektiligin joımaǵany týraly aıtyldy. Sondaı-aq, Ǵumar Qarashtyń ómiri men qoǵamdyq jáne saıası qyzmeti jaıynda baıandamalar jasaldy.
Sonymen qatar, basqosýda fılosofııa ǵylymdarynyń doktory Tilekjan Rysqalıev, jýrnalıst Qazbek Quttymuratuly, «Jaıyq Press» jaýapkershiligi shekteýli seriktestiginiń bas dırektory Jantas Safýllın jáne taǵy basqa qatysýshylar sóz alyp, tulǵanyń el tarıhyndaǵy orny aıryqsha ekenin aıtty.
Oblystyq mádenıet basqarmasy basshysynyń orynbasary Ábil Jolamanov konferensııanyń maqsaty – oıshyldyń muralaryn keıingi urpaqqa nasıhattaý, sol arqyly jas býyndy otansúıgishtikke tárbıeleý, ult qundylyǵyn jańǵyrtý ekenin tilge tıek etti.
Shara aıasynda Ǵumar Qarashtyń ómiri men shyǵarmashylyǵy týraly derekterdi qamtıtyn «Joıylmasa ıgi edi, artta qalǵan izimiz» atty kitap kórmesi uıymdastyryldy.
Temir Qusaıyn.
Derek, sýret: egemen.kz.