QOSTANAI. 18 mamyr. Qostanaıda «Juldyz» qalalyq alǵashqy óner baıqaýynyń gala konserti jáne jeńimpazdardy marapattaý saltanaty ótti. Bul týraly egemen.kz tilshisi habarlady.
Qostanaı qalasynda tuńǵysh ret ótip otyrǵan «Juldyz» baıqaýyna 7 jáne 17 jas aralyǵyndaǵy ónerli balalar qatysty. Olar qazylar alqasyna vokal, hor, bı jáne mýzykalyq aspapta shyǵarma oryndaý ónerlerin usyndy. Baıqaý qorytyndysynda jeńimpazdar dıplom men arnaıy syılyqtarǵa ıe boldy.
Baıqaýdy «Sosıým ı ıa» qoǵamdyq birlestigi men Qostanaı qalalyq ákimshiligi uıymdastyrdy. Baıqaýǵa qaladaǵy barlyq mektepten talanttar qatysyp baqtaryn synady. Baıqaýdyń ereksheligi, ol birneshe satydan turdy, birneshe aı boıy talanttar irikteldi. Mysaly, oǵan tek vokal boıynsha qatysýǵa ǵana 30 suranys jasaldy. Balalar ándi túrli janrda aıtty. Mysaly jeńimpazdardyń biri, S.Máýlenov atyndaǵy gımnazııanyń oqýshysy Mádına Dákisheva ustazymen birigip, kúrdeli djazdyq kompozısııany oryndap shyqty.
Uıymdastyrýshylar baıqaýdyń endi dástúrli óterine senimdi.
Názıra Járimbetova.
Derek, sýret: alau.kz