Ardagerler aksııasy

Qazaqstandyq ardagerler «Soǵys ardagerleriniń dostyǵy poıyzy fashızmdi dáripteýge qarsy» aksııasyna qatysady, dep habarlady «QTJ» UK» AQ-tyń baspasóz qyzmeti.

 

Temirjolshy-ardagerler Kóp­tileý Izbasov pen Tólegen Jú­nisov 20-23 mamyrda Dostyq poıyzymen Máskeý – Mınsk – Brest – Máskeý baǵdaryna qatysady.

Dostyq poıyzy Máskeýdiń Belarýs vokzalynan Uly Otan soǵysy jyldary áskerlerdiń maıdanǵa attanyp, 1945 jy­ly 9 mamyrda jeńimpaz bolyp oralǵan jerinen jolǵa shy­ǵady. Ardagerler Mınskidegi Jeńis murajaıynda jáne «Brest batyr qamaly» memo­rıaldyq kesheninde bolady. Belorýssııa astanasynda ardagerlerdi Dostastyqqa qa­tysýshy elderdiń temirjol kóligi ákimshilikteri keńesiniń 62-otyrysyna qatysyp jatqan temirjol ákimshilikteriniń basshylary qarsy alady.

85 jastaǵy Kóptileý Izbasov 1943 jyly jol monteri bolyp eńbek jolyn bastady. Odan keıin poıyz mashınısiniń kómekshisi, Shalqar lokomotıv deposynda mashınıst bolyp jumys jasady. Tyl eńbekkeri, eńbek ardageri.

91-degi Tólegen Júnisov Ýkraına, Rýmynııa, Vengrııa, Che­hoslovakııany fashıstik bas­­qynshylardan azat etýge qa­tysty. Jeńisti Berlınde qar­sy aldy. Maıdandastarynyń Reıh­stagqa tý tikkenderin maq­tanysh etedi. Otan soǵysy orden­­de­ri­men, birqatar medaldar­men marapattalǵan.