+45

Mańǵystaý oblysy aýmaǵynda kún kúıip-aq tur. Sınoptıkter termometr baǵany +40-45 gradýs­ty kórsetýde degenmen, jurt­­shy­lyq­­­­tyń buǵan kúmáni bar. Tynys­ty taryltyp, mańaıdy qýyra kúı­dirgen aptapqa qarap, +50 gradýsten kem emes dep otyr turǵyndar. «Qazgıdromet» RQK Mań­ǵys­taý oblys­tyq fılıaly sınop­tık­teri 1 shilde­­degi habar­lamasynda ystyqtyń 2 shildege deıin saq­talatyndyǵyn, termometr baǵa­nynyń Selsı boıynsha +40-45 gradýstan tómendemeıtindigin aıtty. 1 shilde kúni Aqtaý qala­syn­da +35-37 gradýs ystyq bolyp, tús qaıta soltústik-batys­tan soq­qan shańdy jel sekýndyna 20 metr jyldam­dyq­pen soǵady delingen. Ystyqqa baılanys­ty Mańǵystaý oblystyq tótenshe jaǵ­daılar departamenti turǵyndar­dy beımezgil kóshege shyǵýdan saq­tandyryp, al shyǵa qalǵan jaǵdaıda jeńil kıimder, kún­nen qorǵaıtyn kózildirik pen qalpaq, ora­mal sııaqty bas kıimdermen shyǵýdy aıtýda. Mańǵystaýlyqtar jappaı úılerine salqyndatqysh satyp alýda. Qazir bul óńirdegi eń ótimdi taýar túri osy salqyn­­­­­dat­qysh bolyp tur desek, qate­les­pespiz. Dúken­derge ústi-ústine ákelingen bul buıym­dy qolma-qol alý múmkindigi joqtar nesıe­leý úshin bank­ter fılıaldarynyń aldyn bosatar emes. Qasıetti oraza aıynda kún­niń bulaı «janyp» ketýin adamdar tózim men sabyrdy synaǵan, ári jamandyq­tar qap­taǵan zamanda adamdardy kishi­girim qı­naǵan «Allanyń synaǵy» dep qabyldaýda. Gúlaıym ShYNTEMIRQYZY, «Egemen Qazaqstan». Mańǵystaý oblysy.