Jaqynda elimizdiń Reseı Federasııasyndaǵy Tótenshe jáne ókiletti elshisi Zaýytbek Turysbekov Halyqaralyq gýmanıtarlyq yntymaqtastyq jáne TMD, shetelderde turyp jatqan otandastar isteri jónindegi federaldyq agenttiktiń basshysy Farıt Muhametshınmen kezdesti, dep habarlady Qazaqstan elshiliginiń baspasóz qyzmeti.
Kezdesý barysynda halyqaralyq gýmanıtarlyq yntymaqtastyqtyń mańyzdy máseleleri talqylandy. F.Muhametshın TMD-ǵa múshe memleketterdiń 2020 jylǵa deıingi ınnovasııalyq yntymaqtastyǵy memleketaralyq maqsatty baǵdarlamasynyń júzege asýy barysyn, sondaı-aq halyqaralyq damýǵa yqpal etý baǵdarlamasynyń jumysy týraly áńgimelep berdi.
О́z kezeginde dıpmıssııa basshysy TMD baýyrlas halyqtaryn mádenı jáne gýmanıtarlyq jaqyndatýdyń jańa yńǵaıy men formalaryn izdeý jáne iske asyrý qajettigine toqtalyp ótti. Z.Turysbekov elshiliktiń 100 jáne 101-shi atqyshtar brıgadasynyń qazaqstandyq áskerlerge Rjev qalasynda memorıal salý jónindegi bastamasyn mysal retinde keltirdi. Qazirgi tańda Reseı qorǵanys mınıstrliginiń Ortalyq muraǵatynan tabylǵan materıaldar negizinde 11 myńdaı qazaqstandyqtyń aty-jónderi anyqtalyp otyr.
Uly Jeńistiń 65 jyldyǵy men Reseıdegi muǵalimder kúni Keńester Odaǵynyń Batyry Baýyrjan Momyshuly men Álııa Moldaǵulova esimderin Máskeýdegi eki mektepke berý, olardy jańartý jobasy mańyzdy bolyp sanalady. Búgingi tańda bul mektepter qazaqstandyq kásipkerlerdiń qoldaýymen qazirgi zamanǵa saı oqý-tehnıkalyq qural-jabdyqtarmen, ǵylymı-tanymal ádebıettermen, qazaqstandyq avtorlar kitaptarymen jáne sporttyq qural-saımandarmen jabdyqtalyp jatyr.
Kezdesý barysynda TMD sheńberindegi azyq-túlik qaýipsizdigi, Máskeý metrosynda “Qazaqstan” stansasyn, al Almatydaǵy salynyp jatqan metrodan “Máskeý” stansasyn ashý, sondaı-aq Búkilreseılik kórme ortalyǵynan (burynǵy VDNH) qazaqstandyq mádenı-iskerlik ortalyǵy retinde “Qazaqstan” pavılonyn ashý máseleleri sóz boldy.
“Egemen-aqparat”.