Alyptar aýyldan shyǵady

Keshe Týrızm jáne sport mınıstrliginiń uıymdastyrýymen Prezıdent N. Nazarbaevtyń bıylǵy Qazaqstan halqyna Joldaýynyń negizgi baǵyttarynyń biri bolyp belgilengen buqaralyq sportty damytýdy iske asyrý maqsatynda eki kúnge sozylǵan aýyl sporty men vedomstvolyq statıstıkalyq esepti jetildirý jóninde ótken respýblıkalyq semınar-keńes jumysyn aıaqtady. Oǵan barlyq oblystyq týrızm, dene tár­bıesi jáne sport basqarmalary bastyǵynyń oryn­basarlary, aýdandyq týrızm, dene tár­bıesi jáne sport basqarmalarynyń basshy­lary Aýyl sharýashylyǵy, Bilim jáne ǵylym mı­nıstr­likteri, Statıstıka agenttigi mamandary men sporttyq klýbtar, qoǵamdyq birlestikter men buqaralyq aqparat quraldary ókilderi qatysty. Semınar-keńeste “Aýylda buqaralyq sport­ty damytý”, “Nusqaýshy-ádiskerler aýyl sporty­nyń negizgi uıytqysy”, “Aýyl sporty­nyń ınfraqurylymy. Jetistikteri, problema­lary jáne bolashaǵy”, “Vedomstvolyq sta­tıs­tıkalyq esepti jetildirýdiń negizgi baǵyttary” “Aýyl sportynyń keshegisi men búgini”, “Aýyl­da bos ýaqytty ótkizýdi uıymdastyrý retinde buq­ara­lyq sportty damytý”, “Aýyl sporty jáne bu­q­aralyq aqparat quraldary”, “Aýyl múgedek­teriniń arasynda sportty damy­tý” atty taqy­ryp­­tarda máseleler qaralyp, baıandamalar jasaldy. Qazirgi kezde elimizdiń sporttyq jetistikteri kóbine-kóp aýyldy mekende qalanatynyn sport­shylarymyzdyń baıraqty básekelerdegi nátıjeleri kórsetip otyr. Oǵan mysal retinde Olımpııa oıyndarynyń, Azııa chempıonat­tary­nyń, álem kýboktary men basqa da kóptegen halyqaralyq jarystarda jeńimpaz atanǵan otandastarymyzdyń basym kópshiligi aýyldy jerden shyqqanyn aıtýǵa bolady. Máselen, tuńǵysh Olımpıada chempıony atanǵan qazaq Áljan Jarmuhamedov, Jaqsylyq Úshkempirov, halyq­aralyq jarystardyń jeńimpazy Ábil­seıit Aıhanov, Qabden Baıdosov, Amanjol Bu­ǵy­­baev, Amangeldi Ǵabsatarov, Qanat Baı­sholaqov pen basqalary bala kezinen aýyldyń shańyn qaǵyp ósken sportshylar. Osyǵan baılanysty keńes­te mınıstrliktiń Sport isteri jónindegi komı­teti aýyl sportyn damytý, eldi mekenderde sportqa degen yntasy bar jastardy qoldaý úshin ataqty sportshylardy, demeýshi­lerdi múmkindik­terine qaraı týǵan aýyldarynda, sporttyq jáne jalpy bilim berý mektepterinde sportty damytý­dy turaqty negizde qamqorlyq­qa alýǵa shaqyrdy. Osy jerde aýyldyq sportty damytý jumysyn uıymdastyrý úshin Aýyl sharýashy­lyǵy mı­nıstrliginiń tóńireginde “Qaırat” aýyldyq dene tárbıesi jáne sport­tyq birlestikti qurý jóninde másele kóterildi. Bul istiń mańyzdylyǵy eskeri­le otyryp, Aýyl sharýashylyǵy mınıstrligi men Týrızm jáne sport mınıstr­liginiń arasynda dene tárbıesi jáne sport salasynda birlesken memorandým ázir­leý kerektigi aıtyldy. Sóıtip, memoran­dým­nyń nusqasy Aýyl sharýashylyǵy mınıstr­ligine tanystyrýǵa jiberildi. Semınardyń sońynda “Buqaralyq sportty damytý”, “Gımnastıka bárimiz úshin” joba­lary men “Aldaspan” atty saýyqtyrý ádiste­meniń tusaýkeseri, “Qazaqstan sportynyń ta­rı­hy men búgini” atty jyljymaly foto­kórme ótkizildi. Dastan KENJALIN.