Ataqty veloshabandozdar — Astanada

Keshe elimizge “Samuryq-Qa­zyna” ulttyq ál-aýqat qory” AQ pen Qazaqstan Velosporty fe­derasııasynyń shaqyrýymen sport­tyń osy túrinen birneshe márte rekordtar jasaǵan, kóp kúnge sozylatyn úsh iri jarysta 11 ret jeńiske jetken Eddı Merks, “Týr de Frans” báıgesiniń úsh dúrkin, “Djıro d Italııa”, “Výelta Ispanııa” jarys­ta­rynyń jeńim­pazy Alberto Kon­tador men otan­­dasymyz, kópte­gen týrlar­dyń, sonyń ishinde “Vý­­el­ta Is­pa­nııa” básekesiniń je­ńim­pazy Alek­sandr Vınokýrov keldi. Osy kúni “Samuryq-Qazyna” qorynyń basshylyǵy ataqty sport­shylarmen kezdesý ótkizip, “As­tana” komandasy men Ve­lo­sport federa­sııa­synyń atqaryp jatqan jumys­tary týraly málimet berip, meı­mandardyń sporttaǵy je­tistikteri men aldaǵy josparla­ry jóninde oı bólisýine jaǵdaı jasady. Kezdesýde qor basshysy Qaırat Kelimbetov aldymen “Astana” ko­mandasynyń bıylǵy “Týr de Frans” jarysyndaǵy tabysy sport­shylar, menedjerler men de­meýshilerdiń arqasynda qol jetken jetistik ekenin, komandanyń jo­ǵary sport­tyq jetistikke jetýinde Elbasy Nur­sultan Nazarbaevtyń da qoltańbasy jatqanyn aıtyp, qazir “Astana” ve­lokomandasynyń tek sport áleminde ǵana emes, elimizdi, el astanasyn dúnıe júzine ta­nys­tyrý maqsatynda da úlken ról at­qaryp kele jatqanyn, onyń halyq­aralyq komanda bolǵan­dyqtan, aldaǵy kezde de belgili velosport­shylardy shaqyryp, solar arqyly tájirıbe jınaıtyn jas­tarymyzdy tárbıeleýdi jalǵastyra beretinderin atap ótti. – “Astana” velokomandasy sporttyq joba emes, ol – memle­­kettik deńgeıdegi mańyzdy is. Ol elimizde sporttyń osy túrin damytý, halyq arasynda salamatty ómir sal­tyn qalyptastyrý boıynsha stra­tegııalyq maqsatqa ıe, – dedi ol. Osydan keıin “Týr de Frans­tyń” úsh dúrkin chempıony, “Asta­na” komandasynyń sapynda eki ret jarysqa qatysqan Alberto Kon­tador otandastarymyzdyń qonaq­jaı­lylyǵyna, elimizdiń komanda­synyń jeıdesin kıip, báıgelerde baq synasýyna múmkindik bergeni úshin alǵysyn bildirdi. Al Aleksandr Vı­nokýrov keler jylǵa josparla­­­ryn aıta kelip, “Astana” koman­dasyna “Týr de Frans” kópkúndik báı­ge­sinde komandalyq esepte alǵashqy oryn alýǵa kómektesetinin málim­dedi. Osyǵan oraı ol: “Biz jeke turǵyda taǵy da joǵary satyǵa shyǵamyz dep oılaımyn. Qazirgi kúni Shlek pen Kontador sekildi eki eń iri veloshabandoz bar. Biraq, olardy da jeńýge bolady”, dedi. Kezdesýden keıin sportshylar Astanadaǵy Balalar úıinde bolyp, olarǵa “Samuryq-Qazyna” qory syılaǵan mıkroavtobýstyń kiltin tapsyrdy. Osy jerde Aleksandr Vınokýrov balalarǵa kilt tabys ete otyryp, “Myqty, kúshti jáne ómir­de jetistikterge jetemin deseńizder, sportpen aınalysyńyzdar”, degen tilegin jetkizdi. Dastan KENJALIN, Sýretterdi túsirgen Orynbaı BALMURAT.