Taraz qalasynyń turǵyndary jaqynda bir erekshe kóriniske kýá boldy. Tańerteń jumysqa bara jatqan keıbireýleri á degende, tipti, Tóle bı dańǵylynyń jıegindegi jasyl jelek pen gúlzarǵa “mal túsip” ketken eken dep qaýiptenip te qalǵan. Biraq, kóp uzamaı, olaı emes ekenine kózderi jetti.
Birneshe jyldan beri Taraz qalasyn jasyl jelek pen gúlge kómkerip kele jatqan “Jasulan jáne K” kompanııasy qalalyqtar úshin endi tórt túlik malǵa súısine kóz tastaý da artyq emes dep sheshken syńaıly. Shynynda, qyr tósinen ǵana kórýge bolatyn tórt túlikke qala ishinen kóz salý adamdardy aýyr oıdan aryltyp, bir sátke kóńilderin kóterýge septigin tıgizetini ras. Sondyqtan kompanııa basshylyǵynyń usynysyna oblys, qala ákimderi qarsy bolmaǵan.
О́zderi úshin jasalyp jatqan ıgilikti iske razy bolǵan qalalyqtardyń usynys-pikirleri de joq emes. Eger múmkin bolsa, qalalyqtar úshin tańsyq jan-janýarlardyń, ıaǵnı maral, elik, kıik, barys, jolbarys, tipti kerik pen pildiń nusqalaryn da ornatsa durys bolar edi, deıdi olar.
Halqymyzda “Mal-jan aman ba?” dep amandasatyn jaqsy dástúr bar. Sondyqtan, basshylar bastamasyn qoı ústine boztorǵaı jumyrtqalaǵan beıbit eldiń bul da bir sımvolıkalyq kórinisi dep qabyldaǵan abzal sııaqty.
Kósemáli SÁTTIBAIULY, Jambyl oblysy.