Májilis bıýrosynyń kezekti otyrysy

Parlament Májilisiniń Tóraǵasy Oral Muhamedjanovtyń jetekshiligimen palata bıýrosynyń kezekti otyrysy ótti. Onda Májilistiń salalyq komıtetteriniń usynýymen aldaǵy aptada ótetin jalpy otyrystyń kún tártibine usynylatyn máseleler qaraldy. Depýtattardyń talqysyna birqatar halyqaralyq qujattardy bekitýdi kózdeıtin zań jobalary usynylatyn boldy. Atap aıtqanda, “Aqsha belgilerin qoldan jasaýǵa qarsy kúres jónindegi halyqaralyq konvensııany jáne oǵan Hattamany ratıfıkasııalaý týraly”, “Qazaq­stan Respýblıkasynyń Úkimeti men Tájikstan Respýblıkasynyń Úki­meti arasyndaǵy О́teýsiz áskerı kómek kórsetý týraly kelisimdi ra­tıfıkasııalaý týraly” zań joba­la­ry palatanyń jalpy otyrysynyń kún tártibine usynyldy. Sondaı-aq “Normatıvtik qu­qyq­tyq aktiler týraly” Qazaqstan Respýblıkasynyń Zańyna ózgeris­ter men tolyqtyrýlar engizý tý­raly” zań jobasyn depýtattardyń ekinshi oqylymda talqyǵa sala­tyny qarastyrylyp otyr. Bıýro otyrysynda Eýropa Parlamentindegi Aral problemasy boıynsha arnaıy tyńdaýlarǵa Má­jilistiń qatysýy týraly másele qa­raldy. Atalmysh basqosý ústimizdegi jylǵy 12 qazan kúni Belgııa Koroldiginde ótetini jos­parlanǵan. “Egemen-aqparat”.