Qystan qysylmaıtyndyǵymyzǵa kepildik bar ma?

Bıylǵy jaz boıy basqasy basqa, qalanyń ortalyq bóliginde ystyq sý bolǵan joq. Jyǵylǵanǵa judyryq degendeı, jýyrda qala boıynsha birjarym táýlikke jýyq sýyq sý bolmaı qaldy. Osy jáıt, mine, taǵy qaıtalanyp otyr. Al onyń zardaby birden sezildi. Ásirese, aýrýhanada tósekke tańylǵan naýqastarǵa qıyn boldy. Al bala- baqshalarynda búldirshinderge ózderimen sý ala kelýi mindettelgenin estigende, ne kúlerimizdi, ne jylarymyzdy bilmedik. Sóıtsek, baqsaq baqa eken demekshi, mundaı synaq tıisti mekemeler arasyndaǵy ózara eregisten týyndaǵan eken. Iаǵnı, “Semeıvodakanaldyń” “Shy­ǵys­­energotreıd” mekemesine qaryzy 200 mıllıon teńgeden asyp ke­tipti. Sodan munyń soń­ǵysy sý stansasyn elektr qýa­tynan ajy­ratyp tastaǵan ǵoı. Solaısha eki or­tada shybyn óle­diniń keri kelgen. Bul ózi jylda osy ýaqytta jıi qaıtalanatyn tirlik. Qala turǵyndarynyń endi álsin-álsin jaryq sóne bastaı ma degen kúdigi de joq emes. Monopolıst mekemelerdiń bul tirligin, árıne, quptaýǵa bolmaıdy. Odan da olar qysqa daıyndyq barysynda bas­qasha amal qarastyrmaı ma desedi bylaıǵy jurtshylyq. Burynǵy jyldarǵa qara­ǵan­da jaǵdaı birshama ońalyp qal­dy degenmen, semeılikterdiń ót­ken qysta da tońyp shyqqany jasy­ryn emes. Kóńildegi sol alań áli de seıilmeı otyr. О́ıtkeni, mun­da jańadan saly­nyp jatqan úl­ken jylý-elektr ortalyǵynyń qurylysy bıyl da bitpeıtin túri bar. Ol keler jyly ǵana paıda­lanýǵa berilýi múmkin. Sonda onyń qurylysy nege saǵyzsha sozylyp bara jatyr degenge keletin bolsaq, munyń sebebi qarjy tapshy­ly­ǵynda ma deımiz. О́tkende bul qurylys barysymen Úkimet basshysy­nyń ózi arnaıy kelip tanysyp ketken. Múmkin mun­daǵy jumys ilgerilese endi ilgeriler. Biraq... Ras, jylý men jaryq, ıaǵnı qalanyń qysqa ázirlik máselesi nazardan tys qalyp otyrǵan joq. Sonyń aıǵaǵyndaı bul má­sele jýyrda ǵana qalalyq más­lıhattyń sessııasynda arnaıy qaraldy. Onda qaladaǵy turǵyn úılerdiń qysqa daıyndyǵy 80 paıyz mólsherinde ekendigi ash­yp aıtyldy. Qala kóshelerinde jylý qubyrlary áli aýysty­ry­lyp jatyr. Áıteýir, jylý qa­zan­­dyqtary túgelge jýyq qysqa ázir eken. Endi tezdetip qajetti kómir jáne mazýt qoryn jınap alý ke­rek. Bolmasa ótken jylǵy jyr­dy qala turǵyndary umyta qoı­ǵan joq. Onda qajetti kó­mir­di alýǵa qarjy tipti oblys qazy­na­synan tabyla qoımaǵan. Sóıtip, “sen salar da men salar, atqa jemdi kim salar” deıtin jaǵ­daı qa­lyptasqany da ótirik emes. Sonsoń aıtty-aıtpady tur­­ǵyndar men zańdy tulǵalar­dan jylý men jaryqqa qaryz 250 mıllıon teńgeden astam qar­jy tezdetip óz ornyna quıy­lýy tıis. Al osy maqsatta tıisti meke­me­lermen birge halyq qa­laý­lylary, qoǵamdyq uıymdar, jergilikti aqparat quraldary da tize qosa otyryp, birlese oty­ryp jumys isteýleri kerek-aq. Sonda ǵana qala turǵyndarynyń qystan qy­sylmaıtyndyqtaryna kepildik bola ma deımiz. Solaı deı otyryp, bul arada kóp másele páter ıeleri koope­ratıvterine qatysty ekendigin aıtpaı ketýge bol­maıdy. Al olardyń qaısybiriniń ózderine bekitilgen úılerdiń qys­qa daıyndyǵyna salǵyrt qa­raı­tyndyǵy da ótirik emes. Son­dyqtan olarǵa da óz jumysyn shı­ratpasa bolmaıdy. О́ıtkeni, qys – qyr astynda. Dáýlet SEISENULY. Semeı.