Til mártebesi alyptarmen astasty

Qazaq halqy táýelsizdik jo­lyn­da talaıly taǵdyrdy bastan keshi­rip, neshe ǵasyr osy bir táýelsizdik úshin nebir qıynshylyqtarǵa tap bolyp, eren erlik, tapjylmas shy­damdylyq kórsetkeni belgili. Bul jolda halqyna bas bolyp, óreli isterge kóshbasshy bola bilgen han­dar men batyrlar bolǵan. Solardy halqy ardaq tutyp, táýelsizdik ornaǵan kúnnen beri olarǵa taǵzym etip keledi. Jaqynda Astana qalasy til­der­di damytý basqarmasynyń uıym­das­tyrýymen Qazaqstan halqy til­deriniń HII qalalyq festıvali aıa­synda Jánibek pen Kereı jáne Kenesary eskertkish­teriniń aldyn­da “Taǵzym men taǵylym” atty merekelik is-shara bolyp ótti. Tarıhı tulǵalar eskertkish­te­rine gúl shoqtary qoıylyp, taǵzym etilip, jınalǵan kópshilik aldynda sóz alǵan tarıh ǵylymynyń dok­to­ry Hangeldi Ábjan qazaq hal­qynyń alǵashqy handary Jánibek pen Kereı jóninde tolymdy maǵlumattar keltire otyryp, tili­miz­diń mártebesin arttyrý aıasynda óz oı-pikirin aıtyp ótse, Astana qalasynyń tilderdi damytý bas­qar­masynyń bastyǵy Orazkúl Asan­ǵazy qaladaǵy atqarylyp jatqan is-sharalarǵa toqtalyp, jınalǵan kópshilikti, ásirese jastardy alyp­tar rýhyna taǵzym etýge shaqyrdy. Sondaı-aq halqymyzdyń sońǵy hany Kenesary eskertkishi aldynda da osyndaı merekelik is-shara bo­lyp, fılologııa ǵylymynyń dok­to­ry Qunypııa Alpysbaev pen me­dı­sına ǵylymynyń doktory Mu­ham­medııa Ahmetov Kenesary Qa­sym­ulynyń erlik shejiresin baıan­dap, urpaqqa úlgi bolar ulaǵatty ómir jolyn jas urpaqqa tanys­ty­ryp ótti. Q.Qýanyshbaev atyndaǵy qazaq mýzykaly drama teatry ár­tis­teriniń jazýshy Dýman Ramazan­nyń “Kenesary-Kúnimjan” pesa­sy­nan kórsetilgen qoıylym men qa­ladaǵy №58 qazaq mektebi oqý­shy­lary Han Kene ómir súrgen orta kezeńindegi shytyrman oqıǵa jeli­sine qurylǵan dramalyq shyǵarma­dan úzindiler keshtiń sáni men mánin ajarlandyra tústi. Berik SADYR.