2010 jylǵy 6 qyrkúıek Astana, Úkimet úıi
Qazaqstan Respýblıkasy Úkimetiniń 2009 jylǵy 20 shildedegi № 1102 qaýlysyna tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. “Memlekettik bilim berý mekemeleriniń taýarlardy (jumystardy, qyzmetterdi) ótkizý jónindegi aqyly qyzmet túrlerin kórsetý erejesin bekitý týraly” Qazaqstan Respýblıkasy Úkimetiniń 2009 jylǵy 20 shildedegi № 1102 qaýlysyna (Qazaqstan Respýblıkasynyń PÚAJ-y, 2009 j., № 33, 318-qujat) mynadaı tolyqtyrýlar engizilsin:
taqyryby jáne 1-tarmaq “kórsetý” degen sózden keıin “jáne olardyń taýarlardy (jumystardy, qyzmetterdi) ótkizýden túsken aqshany jumsaý” degen sózdermen tolyqtyrylsyn;
kórsetilgen qaýlymen bekitilgen Memlekettik bilim berý mekemeleriniń taýarlardy (jumystardy, qyzmetterdi) ótkizý jónindegi aqyly qyzmet túrlerin kórsetý erejesinde:
taqyryby “kórsetý” degen sózden keıin “jáne olardyń taýarlardy (jumystardy, qyzmetterdi) ótkizýden túsken aqshany jumsaý” degen sózdermen tolyqtyrylsyn;
1-tarmaq “kórsetý” degen sózden keıin “jáne olardyń taýarlardy (jumystardy, qyzmetterdi) ótkizýden túsken aqshany jumsaý” degen sózdermen tolyqtyrylsyn;
mynadaı mazmúndaǵy 12, 13, 14-tarmaqtarmen tolyqtyrylsyn:
“12. Memlekettik bilim berý mekemeleriniń taýarlardy (jumystardy, qyzmetterdi) ótkizý jónindegi aqyly qyzmet túrlerin kórsetýinen túsetin qarajat memlekettik bilim berý mekemesiniń taýarlaryn (jumystaryn, qyzmetterin) ótkizýden túsetin aqsha túsimderi men shyǵystarynyń josparlary boıynsha josparlanady jáne paıdalanylady.
Taýarlardy (jumystardy, qyzmetterdi) ótkizýden túsetin memlekettik bilim berý mekemesiniń óz ıeliginde qalatyn aqsha túsimderi men shyǵystarynyń josparlaryn “Bıýdjettiń atqarylýy jáne oǵan kassalyq qyzmet kórsetý erejesin bekitý týraly” Qazaqstan Respýblıkasy Úkimetiniń 2009 jylǵy 26 aqpandaǵy № 220 qaýlysymen bekitilgen tártippen bıýdjettik baǵdarlamalar ákimshisi bekitedi.
13. Memlekettik bilim berý mekemeleriniń taýarlardy (jumystardy, qyzmetterdi) ótkizý jónindegi aqyly qyzmet túrlerin kórsetýinen túsetin túsimderdi paıdalaný baǵyttaryn bıýdjetti atqarý jónindegi ortalyq ýákiletti organ bekitedi.
Memlekettik bilim berý mekemeleriniń taýarlardy (jumystardy, qyzmetterdi) ótkizýden túsetin qarajaty taýarlardy (jumystardy, qyzmetterdi) ótkizýden túsetin aqshany esepke alý úshin ashylǵan shotqa esepteledi jáne “Bıýdjettiń atqarylýy jáne oǵan kassalyq qyzmet kórsetý erejesin bekitý týraly” Qazaqstan Respýblıkasy Úkimetiniń 2009 jylǵy 26 aqpandaǵy № 220 qaýlysymen bekitilgen tártippen resimdelgen jáne usynylǵan tóleýge beriletin shot negizinde júmsalady.
14. Aqyly bilim berý qyzmetterin jáne ózge de qyzmetterdi kórsetýden túsetin qarajat uıym basshysy aıqyndaǵan birinshi kezektegi is-sharalardy eskere otyryp jáne mindetti túrde qamqorshylyq keńespen kelisilgen, sondaı-aq bilim berý mekemelerindegi ata-analar komıtetterimen kelisim boıynsha qatań túrde nysanaly maqsat boıynsha jumsalady.”.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K. MÁSIMOV.