Memleket basshysy Nursultan Nazarbaev Ulttyq qaýipsizdik komıtetiniń tóraǵasy Nurtaı Ábiqaevty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
N.Ábiqaev Prezıdentti Komıtettiń aǵymdaǵy qyzmeti men aldaǵy kezeńge arnalǵan jumystarynyń basym baǵyttary týraly habardar etti.
Kezdesý barysynda sondaı-aq elimizdiń ulttyq qaýipsizdik júıesin odan ári jetildirý, azamattardyń quqyqtaryn qorǵaýdy qamtamasyz etý jónindegi is-sharalar týraly sóz boldy.
* * *
Memleket basshysy Nursultan Nazarbaev Ekonomıkalyq jáne sybaılas jemqorlyqpen kúres agenttiginiń tóraǵasy Qaırat Qojamjarovty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Q.Qojamjarov Prezıdentti Agenttiktiń aǵymdaǵy jylǵy 8 aıdaǵy jumys qorytyndylarynan habardar etti.
Kezdesý kezinde sondaı-aq “Qazaqstan Respýblıkasynda quqyq qorǵaý qyzmeti men sot júıesiniń tıimdiligin arttyrý jónindegi sharalar týraly” Prezıdenttiń Jarlyǵy aıasynda qarjy polısııasy organdaryndaǵy reforma barysy týraly sóz boldy.
– Memleket basshysy qarjy polısııasy organdaryna ózderiniń kún saıynǵy qyzmetinde sybaılas jemqorlyqpen jáne kóleńkeli ekonomıkamen kúresti kúsheıtýdi tapsyrdy, – dedi jýrnalısterge arnalǵan brıfıngte Qaırat Qojamjarov.