Depýtat Ákimov qaıda júr?..

Gazeti­mizdiń bu­ryn­ǵy sanda­ryn­da biz qalalyq más­lıhattyń de­pý­tattary atanyp, keıinnen “tár­tipsizdikteri úshin” kózge túsip qal­ǵan keıbir “halyq qalaýly­lary” jaıly jazǵan bola­tyn­byz. Onyń biri – “Daryn” memlekettik jastar syıly­ǵynyń laýreaty, “Nur Otan” par­tııa­synyń múshesi Sergeı Týpısyn bol­sa, ekinshisi – osy más­lı­hat­tyń hat­shy­sy Vladımır Lebed. El qulaǵy elý deıdi. Nátıjesinde, S.Týpısyn sot­talyp, Semeı jaq­taǵy túrmeler­diń birinde jazasyn ótese, al hat­shy­sy ornynan ketip, qazir qalalyq más­lıhatty Mıhaıl Jelnov basqarady. Odan keıin de máslıhatqa onyń ne ekenin áli túsine qoı­maı­tyndaı kó­rinetin Mırhat Serik­baev, Arman Álıakparov sııaqty “bala” depýtat­tar keldi. M.Serik­baev­tyń kezinde “Sát­­baev­qa nege eskertkish qoı­dyq?” dep jergilikti teledıdarǵa shy­ǵyp suraý salǵany bar. “E, qaıt­sin endi, áli jas qoı, túsiner”, dedik. Osyndaıda, qa­laı desek te, orys­sha bilim alyp, tárbıelengen “bala” depýtattarǵa qa­rap kúıine­ti­niń ras. Keı-keıde A.Álı­akparov­tyń da teledıdardan jýrnalısterge suhbat berip turǵanyn kórip, qarnyń ashady. “Shirkin, bizdiń eldiń halyqtyń qamyn jeıtin shyn patrıot jigitteri qaıda júr eken”, dep amalsyzdan oılanasyń. Biz bul jerde Arman Álıakpa­rov­ty synap-mineıik dep otyrǵany­myz joq, qaıta jas jigit osyndaı dáre­jesin ári qaraı damytyp, shyń­dal­syn deımiz-daǵy. Ekinshi­den, halyq depýtat bolyp maqsat-múdde úde­sinen shyǵa alatyn, el-jurttyń aldynda “kúlkili” keıip­te júr­meı­tin bilimi keń, oı-órisi jo­ǵa­ry adam saılanǵanyn qalaıdy. Jergilikti bılik oryn­da­rynyń “my­na bala depýtat bolsyn” degen  “joldamasymen” ótip ketetin­der­diń sońynan shıkiligi shy­ǵyp jata­ty­ny da qaıbir jaq­sylyq deısiz. Taǵy bir tań­qalarlyǵy – bizde qalalyq más­lı­hatqa depýtat bolyp saılanǵan jas­tardyń mindetti túrde qazaqshasy aqsap jatady ári ol azdaı, qazaqy tirlikke sol kózben qaraıtyndar bolyp shyǵady. Silámbek Ákimov qalalyq más­lıhatqa depýtat bolyp saılanǵan­da biraz jurt “bul qalaı boldy?” dep tańdanystaryn jasyra alma­ǵan-tyn. Al qazir sol Silámbek Ákimovtiń qaı­da júrgendigi týraly eshkim bil­meıdi. Ol jaıynda qala­lyq más­lı­hat­qa habarlasqany­myz­da, máslı­hat­tyń hatshysy Mı­haıl Jelnovtan: “Biz de bilmeımiz qaıda júrgenin, ol jaǵy bizge de málim emes”, degen jaýap aldyq. Sóıtsek, S.Ákimov shynymen de qalalyq máslıhattyń 25-shi jáne 26-shy sessııalaryna qatys­papty da. Al máslıhat apparaty­nyń qyzmetkerle­ri ony izdep, jumys, úı jáne uıaly telefon­daryna habarlassa da, ony tabý múmkin bolmaǵan. Son­dyq­tan depýtattyń sessııa jumys­ta­ryna kelmeý sebebi týraly naq­ty tujyrym jasaý da múmkin emes eken. Al elimizdiń “Jergilikti memlekettik basqarý jáne ózin-ózi basqarý tý­ra­ly” Zańynyń 20-baby 3-tarmaǵynyń 9-tarmaqshasynda depýtat óz mindet­terin júıeli túrde oryndamasa, onyń ishinde máslıhat sessııasynyń jalpy otyrysyna dáleldi sebeptersiz qa­tarynan úsh retten artyq qatyspasa, máslıhat depýtatynyń ókilettigi toqtatyla­dy dep kórsetilgen. Atalǵan baptyń 4-tarmaǵyna sáıkes, depýtat­tyń ókilettigin merziminen buryn toq­tatý týraly sheshim aýmaqtyq saı­laý komıssııasynyń usynýy boı­yn­sha, qatysyp otyrǵan depýtat­tardyń jalpy sanynyń kópshilik daýysymen máslıhat sessııasynda qabyldanady. Bul – bir. Ekinshiden, “Nur Otan” HDP qalalyq bólimshesiniń bıyl­ǵy jylǵy 10 maýsymdaǵy qaý­lysymen S.Ákimov partııa múd­desine zııan keltiretin, partııanyń bedelin túsi­retin is-áreketteri men basqa da áreketteri úshin; partııa jarǵysyn saqtamaǵany úshin, “Nur Otan” par­tııa­sy qatarynan shyǵarylǵan bolatyn. Farıda BYQAI. Pavlodar.