Bas prokýratýra alqasynyń kezekti keńeıtilgen otyrysy bolyp ótti. Onda kásipkerlerdiń lısenzııalanǵan qyzmet aıasyndaǵy quqyqtaryn qorǵaýdy, sondaı-aq jedel izdestirý is-sharalaryn júrgizgen kezde azamattardyń konstıtýsııalyq quqyqtaryn qorǵaýdy kúsheıtý máseleleri qaraldy. Tergeý jáne ózge de áreketterdi júzege asyrǵan kezde qupııa jáne qyzmettik aqparattardy qorǵaý máselelerine erekshe kóńil bólindi.
Alqa jumysyna Joǵarǵy Sottyń jáne quqyq qorǵaý organdarynyń ókilderi qatysty.
Talqylaý nátıjeleri boıynsha quqyq qorǵaý organdarynyń ózara is-qımylynyń nátıjeliligin arttyrý, kúshterin úılestirý, shaǵyn jáne orta bıznes ókilderiniń quqyqtary men zańdy múddelerin tıimdi qorǵaýǵa baǵyttalǵan prokýrorlyq qadaǵalaý men vedomstvolyq baqylaýdyń rólin arttyrý jóninde birqatar usynystar engizildi jáne sharalar pysyqtaldy, dep habarlady Qazaqstan Respýblıkasy Bas prokýratýrasynyń baspasóz qyzmeti.