Áleýmettik qoldaý keńeıe túspek

Búgingi tańdaǵy elimizdegi áıel­derdiń qoǵamda kezdesip jatqan túr­li túıitkildi máselelerdi, son­daı-aq jas otbasylar men jetim ba­lalar jáne ata-ananyń qamqor­lyǵynsyz qalǵan balalarǵa qa­tys­ty memleket tarapynan kór­se­ti­letin áleýmettik qoldaý sharala­ry­nyń barysyn talqylaýǵa arnalǵan Qazaqstan Respýblıkasy Prezı­denti janyndaǵy Áıelder isteri jáne otbasylyq-demografııalyq saıa­sat jónindegi ulttyq komıssııa­­nyń kezekti otyrysy bolyp ótti. Memleket basshysynyń 2009 jyl­­­ǵy 5 naýryzdaǵy Qazaqstan áı­el­­deriniń V Forýmynda bergen tap­syrmalardy oryndaý barysy da talqylandy. Alǵashqy sózdi Bilim jáne ǵy­lym vıse-mınıstri Mahmetǵalı Sary­bekov alyp, elimiz boıynsha 90 myń­ǵa jýyq jas otbasylar baryn, alaı­da olar úshin arnaıy mem­lekettik baǵdarlamanyń qa­byl­danbaǵandyǵyn tilge tıek etti. Soń­ǵy ýaqyttarda nekesiz týylǵan ba­lalardyń, jalǵyz basty ana­lar­dyń, ajyrasý, tipti kámeletke tol­ma­ǵan jas analardyń kóbeıip ket­ken­digi jóninde óz óki­nishin bil­dir­di. Mundaı jáıtterdiń kóbeıýine túrli faktorlardyń áser etkeni aıt­­­­­­­­­­pasa da túsinikti. Eń basty se­bep, jas otbasylardyń áleýmettik jaǵdaıy kórinedi. Sonymen qatar, vıse-mınıstr aýyl jastaryn qol­­daý máseleler de qozǵady. Otyrystyń qyzý talqysy jas ot­basylardyń statıstıkalyq kate­go­rııasy tóńireginde órbidi. Má­selen, “jas otbasy” degen termındi statıs­tıkalyq sanaý deńgeıine kóterý arqyly ǵana olardyń ál­eý­mettik jaǵdaılaryna qatysty má­se­lelerdi tolyq sheshe alatyndyǵy belgili boldy. Jas otbasylarmen qo­sa, jas pedagogtardyń jaǵdaı­la­ry, jalǵyz­basty analardyń ba­la­lardy ósirip-baǵýlaryna qoldaý kór­setý, stý­dentterdiń tolyqtaı ja­taqhanaǵa ornalasýy týraly Má­jilis depýtaty Elena Tarasenko arnaıy áleýmettik júıe qurylý kerektigin alǵa tartty. Áleýmettik máseleler áńgime ar­­­qaýyna aınalǵan jıyndy Pre­zıdent janyndaǵy Áıelder isteri jáne otbasylyq-demografııalyq saıa­sat jónindegi ulttyq komıs­sııa­nyń tóraıymy Gúlshara Ábdi­qa­lyqova qorytyndylady. Araı ÚIRENIShBEKQYZY.