Memleket basshysynyń Jarlyǵymen Bilim jáne ǵylym mınıstri bolǵan Janseıit Túımebaevtyń ornyna buǵan deıin Ál-Farabı atyndaǵy Qazaq ulttyq ýnıversıtetiniń rektory qyzmetin atqaryp kelgen Baqytjan Jumaǵulov taǵaıyndaldy.
Sársenbiniń sátinde Premer-Mınıstr Kárim Másimov mınıstrliktiń ujymyna onyń jańa basshysyn tanystyryp, J.Túımebaevqa jumysyn laıyqty atqarǵany úshin alǵys bildirdi.
Kezdesýde aldymen sóz alǵan Janseıit Túımebaev osy qyzmette Elbasynyń seniminen shyǵyp, berilgen tapsyrmalar men júktelgen mindetterdi oryndaýda barlyq kúsh-jigerin salǵanyn aıtyp, Memleket basshysyna mınıstrlik qyzmetin senip tapsyrǵany úshin alǵysyn jetkizdi. Sodan keıin Baqytjan Jumaǵulov sóz alyp, jańa jumysta aldyna qoıylǵan maqsattar men mindetterdi oryndaýda Elbasynyń seniminen shyǵýǵa tyrysatynyn aıtty.
Kezdesý sońynda Úkimet basshysy jańa mınıstrge jumysyna sáttilik tilep, aldaǵy kezde Bilim jáne ǵylym mınıstrligine tikeleı qatysy bar eki mańyzdy jıyn ótetinin, onyń birinshisi memlekettik tildi damytýǵa arnalsa, ekinshisi, jastar saıasatyna qatysty bolatynyn jetkizdi.
Dastan KENJALIN.