Sársenbi kúni Joǵarǵy Sotta elimiz halyqtary tilderiniń kúni merekesine oraı, sot júıesinde memlekettik tildi qoldaný aıasyn keńeıtý maqsatynda “Sot isterin memlekettik tilde júrgizýdiń ózekti máseleleri” taqyrybynda dóńgelek ústel ótti. Oǵan Joǵarǵy Sot Tóraǵasy Musabek Álimbekov, Parlament Májilisiniń depýtattary Iraq Elekeev, Ramazan Sárpekov, Astana qalasy tilderdi damytý basqarmasynyń bastyǵy Orazkúl Asanǵazy, sondaı-aq Joǵarǵy Sot sýdıalary, apparattyń qurylymdyq bólimderi basshylary qatysyp, oı bólisti.
Dóńgelek ústeldi kirispe sózben ashqan Joǵarǵy Sot Tóraǵasy Musabek Álimbekov “Búgingi basqosýdaǵy negizgi maqsat sot isin memlekettik tilde júrgizý máselesi boıynsha jınaqtalyp qalǵan kókeıkesti problemalardy talqylaý” dep atalmysh sharanyń mańyzdylyǵyna nazar aýdardy.
Basqosýda sóz alǵan Astana qalasy tilderdi damytý basqarmasynyń bastyǵy Orazkúl Asanǵazy dál til merekesi kúni osyndaı is-sharany uıymdastyryp, oǵan ózi tikeleı uıtqy bolǵan Joǵarǵy Sot Tóraǵasy M.Álimbekovke rızashylyǵyn bildire kele, memlekettik tildi damytýǵa qatysty óz usynystary men pikirlerin ortaǵa saldy.
Ábdirahman QYDYRBEK.