Qurmet kórsetti

Shymkent qalasyndaǵy M.Áýezov atyndaǵy Ońtústik Qa­zaqstan memlekettik ýnı­ver­sıtetinde “B.Momysh­uly­nyń óshpes erligi arqyly jas­tardy bir­lik pen tatý­lyqqa tárbıeleý­diń joldary” degen taqyrypta has batyr­dyń týǵanyna 100 jyl to­lýyna arnalǵan res­pýblıka­lyq ǵylymı-tájirıbelik konferensııa ótti. Alqaly bas qosýǵa kel­gen­der aldymen qaladaǵy batyr eskertkishine  gúl shoqtaryn qoıdy. Odan keıin rejısser H.Omarov túsirgen, “Qazaq­tyń Baýyrjany” atty derekti fılmdi kórdi. Konferensııany ýnı­ver­sı­tet rektory, akademık Ýálıhan Bıshimbaev júrgizip otyrdy. Jıynǵa oblys ákimi­niń oryn­basary Álı Bektaev, Aýǵan soǵysy ardagerleri qaýymdas­tyǵynyń tóraǵasy, Halyq qaharmany, general-leıtenant Baqytjan Ertaev, Memlekettik syılyqtyń ıegeri, professor Mekemtas Myrzahmetuly, “Qur­met” ordeniń ıegeri, “Qa­harman” ki­taby men “Qazaqtyń Baýyr­jany” atty derekti fı­lmniń  avtory Smaǵul Baqyt­bek qatysty. Álı Bektaev ba­tyr­dyń ónegeli ómiri jastar tárbıesine temirqazyq eken­digin aıtsa, Báýkeńniń ózi “jeke arhıvimdi tek Mekem­tasqa senip qaldyramyn” dep baǵa bergen ǵalym Mekemtas Myrzahmet­uly baıandamasy­nyń bir ıininde: “bizdiń jastarǵa jetpeı jatqan bir nárse bar. Ol – ulttyq rýh. Onyń qaınar bulaǵyn Baýyrjan Momysh­uly­nyń eńbekterinen tabýǵa bolady”,  dedi. Kóz maıyn taýy­syp, ózi bas bolyp qu­ras­tyryp jat­qan 45 tomdyq ki­taptyń daı­yn 30 tomynyń al­ǵashqy da­nalaryn ýnıversıtet rek­toryna tabys etti. Jıynda Baýyrjan Mo­myshuly Máskeý túbindegi sheshýshi aıqasta erliktiń óshpes úlgisin kórsetkeni, ol basqarǵan rota, batalon, dıvızııa jaýyngerleri qahar­mandyǵy jan-jaqty dálelder men alǵa tartyldy. “Egemen-aqparat”.