Elbasymyzdyń barsha qazaqstandyqtarǵa arnaǵan bıylǵy Joldaýynyń negizgi qaǵıdattaryn halyqqa túsindirip, onyń basym baǵyttaryn keńinen nasıhattaý maqsatynda Syr aımaǵyna kelgen respýblıkalyq aqparattyq-nasıhattyq top Qazaly, Jalaǵash, Shıeli aýdandarynda bolyp, kópshilik halyqpen jyly júzdesýler ótkizdi.
Kezdesýlerde nasıhattyq top músheleri bilim berý men densaýlyq saqtaý salasyndaǵy elimizde atqarylyp jatqan aýqymdy jumystarǵa keńinen toqtaldy.
Bilim jáne ǵylym mınıstrligi memlekettik satyp alý aqparattyq-tehnıkalyq qamtamasyz etý departamentiniń basqarma bastyǵy Maıra Meldebekova balabaqshamen qamtý jaıyn, 12 jyldyq bilim berýge kóshýdi, ata-ana, mektep, oqýshy tarapynan baılanys jasaýdy jolǵa qoıý qajettigine toqtaldy.
Ishki ister mınıstrligi jol polısııasy komıtetiniń tóraǵasy Qaırat Tynybekov bastaǵan aqparattyq-nasıhattyq top ókilderi Jalaǵash aýdany turǵyndarymen, al Prezıdent Ákimshiliginiń Ishki saıasat bóliminiń sektor meńgerýshisi Qýat Borashev bastaǵan top ókilderi Shıeli aýdany turǵyndarymen jyly júzdesýler ótkizdi.
Qaısybir aýdandaǵy kezdesýlerden soń Astanadan arnaıy at bastaryn burǵan respýblıkalyq aqparattyq-nasıhattyq top músheleri qoǵamdyq qabyldaýlar ótkizdi.
Erkin ÁBIL.
Qyzylorda oblysy.