ASTANA. 6 qańtar. Túrkııadaǵy Egeı teńiziniń jaǵalaýynan 27 mıgranttyń óli denesi tabyldy. Bul týraly 24.kz habarlady.
Aldyn ala belgili bolǵandaı, atalǵan bosqyndar Grekııanyń Lesbos aralyna Egeı teńizi arqyly jetpek bolǵan. Jergilikti polıseıler qaza bolǵan mıgranttardyń arasynda 3 jetkinshek bar bolǵanyn aıtyp otyr. Sondaı-aq, tártip saqshylary marqumdar teńizdiń eki túrli aýmaǵynan tabyldy dedi.
Aıta keteıik, Egeıden taǵy 12 kelimsek qutqaryldy. Qazir teńiz betinde jáne áýe arqyly ózge de mıgranttardy izdeý jumysy júrip jatyr.
Jalpy, qazirgi tańda Túrkııada 2 mıllıonnan astam sırııalyq turady. Olardy ornalastyrý men tamaqtandyrýǵa 8,5 mıllıard dollar jumsalǵan. Bosqyndardyń barlyǵy zańsyz jaǵdaıda jumys isteıdi, al balalarynyń kóbi mektepke múlde barmaıdy.
Talǵat Raıymbek.
Derek: 24.kz.
Sýret: egemen.kz.