ASTANA. 26 qańtar. AQSh-ta jasandy ıntellekt salasyndaǵy zertteýlerdiń negizin qalaǵan ǵalym Marvın Mınskıı 88 jasynda qaıtys boldy. Bul týraly TASS aqparat agenttigine silteme jasaǵan egemen.kz tilshisi habarlady.
Massachýset tehnologııalyq ınstıtýtynyń resmı saıtyndaǵy habarlamada, ol 24 qańtar kúni Bostonda ınsýlt saldarynan qaıtys bolǵany týraly aıtyldy.
«Marvın Mınskıı mıdyń jumysyn mashına retinde qarastyrdy, sóıtip qyzmeti zerttelip kompıýter arqyly jańǵyrtyldy. Bul óz kezeginde adam mıynyń jumysyn jaqyn tanýǵa múmkindik beredi» - delingen.
1951 jyly professor Mınskıı Snarc ataǵyna ıe bolǵan, neırojelimen kezdeısoq jalǵasqan oqytýshy mashınany alǵash ret oılap tapty. 1959 jyly Massachýset tehnologııalyq ınstıtýtyndaǵy jasandy ıntellekt laborotorııasynyń negizin qalaýshylardyń biri boldy. 1970 jyly ınformatıka salasyndaǵy aıtýly Tıýrıng syılyǵynyń ıegeri atandy.
Ǵalymnyń ǵylymdaǵy izdenisteriniń aıasy jasandy ıntellektimen shektelgen joq, sonymen qatar álemde alǵash ret beıneli skanerdi jáne janasý tetigi bar mehanıkalyq manıpýlıatorlardy daıyndap jasap shyqqandardyń biri edi. Osy aıtylǵandarǵa qosymsha Mınskıı mýzykamen aınalysyp, pıanınony da meńgergen.
Aıan Ábdýálı.
Derek, sýret: TASS.