Kadr biliktiligi – basty ólshem

Qazaqstan Respýblıkasy Prezıdenti janyndaǵy Ortalyq kommýnıkasııalar qyzmetiniń jergilikti fılıalynda ótken brıfıng «100 naqty qadam» Ult Josparynyń júzege asyrylýy men aldaǵy mindetterge arnaldy. Onda oblystyq bilim basqarmasynyń basshysy Sholpan Karınova BAQ ókilderimen baspasóz máslıhatyn ótkizdi. Búgingi kún talaptaryna sáı­kes ózgerister men tolyq­ty­rý­lar engizilgen «Bilim týraly» Zań bilim berý men bilim sapasyn jańa deńgeıge kóterýge, halyq­aralyq standarttarǵa sáı­kestendirýge, Elbasynyń «100 naqty qadam» Ult Josparynda al­dymyzǵa qoıǵan mindetterdi úlken jaýapkershilikpen atqarýǵa múmkindik beredi, deı kelip, Shol­pan Tańatqyzy odan ári naq­ty isterdi baıandady. Oblystyń bilim mekemelerinde 17 myń­ǵa jýyq pedagog eńbek etedi. Olar­­dyń 40 paıyzdan astamy joǵary jáne birinshi sanatty. 7 korreksııalyq mektep-ınternatta 810 bala tárbıe alady. 13 psı­hologııalyq-pedagogıkalyq kor­­rek­sııalyq kabınet 322 balaǵa áleýmettik kómek kórsetedi. 73 logopedtik pýnkt jumys isteıdi. «Qazaqstan jańa jahandyq naq­ty ahýalda: ósim, reformalar, damý» Joldaýynda bilim men ǵy­lymnyń, ınnovasııanyń aldaǵy bıik mejeleri aıqyndaldy. Olaı bolsa, orta bilim berý salasy ár­bir ata-ana, qoǵam, óskeleń urpaqpen tyǵyz baılanysta júr­gizilýi tıis­tiligi, bilim berý júıesiniń sapa­sy men nátıjesi muǵalimniń biliktiligi men kásibı sheberligine kóp qatysty ekeni aıtpasa da túsi­nikti. Baıandamashy 76-shy qadamdaǵy EYDU elderi negizinde adam ka­­pı­talynyń sapasyn kóterý, 12 jyldyq bilim berýdi kezeń-kezeńmen engizý, fýnksııalyq saýattylyqty damytý úshin mek­teptegi oqytý standarttaryn ja­ńartý talaptaryna oraı alda atqarylatyn sharalarǵa toqtaldy. Eki mektepte bastaýysh bilim berý memlekettik standartynyń jańa aprobasııasyn engizý qolǵa alynǵan. 3-6 jastaǵy baldyrǵandardy mektepke deıingi bilimmen qamtý 97 paıyzdy quraıdy. Ata-ana­nyń qamqorlyǵynsyz qalǵan balalardyń sany sońǵy úsh jylda 212-ge azaıǵan. Memleket-je­kemenshik áriptestigi aıasynda balabaqshalar salý qarqyn alǵan. 77-shi qadamda atap kór­setilgendeı, ekonomıkanyń alty negizgi salasy úshin on aldyńǵy qatarly kolledj ben joǵary oqý ornynda bilikti kadrlardy ázirleý, keıinnen bul tájirıbeni elimizdiń basqa oqý oryndaryna taratý mindeti tur. Oblys kol­ledjderinde aýmaq ekonomıka salasy úshin 75 mamandyq boıynsha kadrlar ázirlenedi. 8 myń stýdent memlekettik tapsyrys arqyly oqytylady. Dýaldy oqytý 24 mamandyq boıynsha 12 kolledj­ge engizilgen. Olar 80 mekememen tyǵyz qarym-qatynas ornatqan. «Tehnıkalyq jáne kásiptik bilim berýdi jetildirý» jobasy aıasynda Petropavl qury­lys-ekonomıkalyq kolledji 43 mıllıon teńgeniń grantyn jeńip alǵan. Dýaldy bilim berý sheńberinde «SevKazEnergo» AQ Soltústik Qazaqstan kásiptik-tehnıkalyq kolledjinde «elektrmen jabdyqtaý» maman­dyqtary negizinde oqytý polıgonyn orna­­las­tyrǵan. J.Qızatov atyndaǵy Esil aýylsharýashylyq kol­led­jinde «et jáne et ónimderi óndirisi» mamandyǵy boıynsha úsh synyp jabdyqtalǵan. Stýdentter oqý fermasynda 30 bas iri qara malyn ósirýmen de shuǵyldanady. Endi munda qaıta óńdeý salalary úshin mamandar daıarlaý qolǵa alynbaq. Sh.Karınova pedagogıkalyq ádep erejesiniń engizilýin mańyz­dy shara retinde maquldady. Sońǵy ýaqytta buqaralyq aqparat quraldarynda, ınternet-resýrstarda pedagogtar men oqýshylar arasyndaǵy dóreki qarym-qa­tynastar jıi kórsetiledi. Osy­ǵan baılanysty jańa zańǵa pe­dagogıkalyq ádep erejesiniń engizilýi óte mańyzdy. Ereje pe­da­gogtardyń ózderin ustaı bil­ýin qalyptastyrýǵa, mektepte qo­laıly orta qurýǵa jaǵdaı jasaıdy. Zańnyń jańa redaksııasynda sy­nyp jetekshisiniń qyzmeti de belgilengen. Jýrnalısterdiń bilim berý mekemelerinde mindetti mektep formasyn engizý máselesine qalaı qaraısyz degen saýalyna bilim berý mekemelerinde mindetti mektep formasyn engizý der kezinde jáne alǵash ret zańnama arqyly qoldaý tapty. Mindetti mektep formasyn engizý oqýshylardyń birligine, uıymshyldyǵyna, yn­ty­maǵyna, ortaq is pen maq­sat­tarǵa bir kisideı jumylyp, tal­pynys jasaýlaryna zor yqpal jasary anyq. Mektep formasy oqýshylar arasyndaǵy kıim bá­sekelestiginiń týyndaýyn, bi­rin-biri kórealmaýshylyqtaryn tómendetip, ártúrli otbasylar­dyń materıaldyq jaǵdaılary­nyń aıyrmashylyqtaryn joıady. Sonymen qatar, bilim berý mekemelerinde sabaq ótkizbeý erejeleri zańda qarastyrylǵanyn aıta ketken jón, dep jaýap berdi. Odan ári 2012-2016 jyldarǵa arnalǵan oqýshylardyń fýnk­sıonaldyq saýattylyǵyn damytý boıynsha Ult Josparynda qoıylǵan mindetterge qol jet­kizetin bilim berý sapasyn, ishki jáne syrtqy baǵa berý júıesiniń jańashyldyǵyn tilge tıek etti. Bilim berýdiń jańa mazmunyn engizý oqýshylardyń bilim baǵa­synyń ólshemderin bekitýge jáne nátıjege baǵyttalǵan. Biz daryndy balalardyń damýy­na jáne olardy qoldaýǵa udaıy kóńil bólemiz. Zańnyń jańa re­daksııasynda jalpy bilim beretin pánderden halyqaralyq olımpıada­lar, ǵylymı jobalar baıqaýyna qatysýshylar quramyn jasaqtaý, saıys talaptary, olardyń ótki­zilýi men uıymdastyrylýy, ádis­temelik is-sharalardy qam­tamasyz etý aıqyndalǵan. Halyq­aralyq pán olımpıadalary men jarystardyń júldegerleri ǵana UBT-dan bosatylýǵa quqyly. Bul ártúrli deńgeıdegi pán olımpıa­dalary men ǵylymı jobaǵa daryndy balalardyń qatysýynyń ashyqtyǵyn, ádildigin qamtamasyz etip, olardyń bilim sapasyn joǵa­rylatady. Brıfıngke Petropavl qala­syn­daǵy №1 korreksııalyq mek­tep-ınternattyń dırektory N.Ho­vanskıı, Soltústik Qazaq­stan kásiptik-pedagogıkalyq kol­ledjiniń basshysy Jeńis Ábil­májin de qatysyp, óz oılarymen bólisti. О́mir ESQALI, «Egemen Qazaqstan». Soltústik Qazaqstan oblysy.