ASTANA. 28 qańtar. Eýropalyq odaqtyń monopolııaǵa qarsy komıssııasy Japonııanyń Mitsubishi Electric (Melco) jáne Hitachi kompanııalaryna avtobólshekter jónindegi karteldi kelisimderi úshin 138 mıllıon eýro kóleminde aıyppul saldy. Bul týraly interfax.ru saıtyna silteme jasaǵan egemen.kz tilshisi habarlady.
Somanyń 111 mıllıon eýroǵa jýyǵyn Melco kompanııasy tóleıtin bolsa, qalǵan 27 mıllıon eýro Hitachi korporasııasynyń moınynda. Bul kelisimniń ishinde Japonııanyń taǵy bir kompanııasy Denso da bar bolatyn. Alaıda zańsyz áreketterdi alǵash bolyp habarlaǵany úshin aıyppul tóleýden bosatyldy.
Málimet boıynsha, sońǵy bes jyl ishinde atalǵan kompanııalar avtomobıl generatory men otaldyrǵyshyna baılanysty baǵa kólemin ózara kelisip belgilegen. Sondaı-aq, osy ýaqytqa deıingi tutynýshylaryn bir-birine siltep kelgen.
«Eger de eýropalyq, sondaı-aq, ózge de aımaqtyń tutynýshylary, osyǵan baılanysty qolaısyzdyq kórgen bolsa, Eýrokomıssııa arnaıy tergeý jumystaryn júrgizedi», – deıdi eýrokomıssar Margret Vestager.
Aıan Ábdýálı.
Derek: interfax.ru.
Sýret: teknoblog.ru.