QARAǴANDY. 28 qańtar. Qaraǵandyda páterlerdiń birinnen órt shyǵyp, úı ishinde bolǵan eki bala ıis tıip qaıtys boldy. Bul týraly oblystyq tótenshe jaǵdaılar departamentiniń baspasóz qyzmetine silteme jasaǵan egemen.kz tilshisi habarlady.
Aldyn ala jasalǵan boljam boıynsha, úsh jáne bes jastaǵy ul men qyz bala ot jaǵyp oınaǵan. Basynda olar otyrǵan kereýet byqsyp jansa kerek. Balalar qorqyp, jýyný bólmesine tyǵylǵan. Tútinniń ısin sezip, balalardyń jylaǵanyn estigen kórshiler esikti baltalap júrip, áreń degende buzypty. Biraq qoıý tútinnen ishke kire almaǵan. Osy ýaqytta jedel jetken órt sóndirýshiler balalardy vanna bólmesin alyp shyǵady. Alaıda qatty ıistengen sábıler aýrýhanada shetinep ketti.
Qaırat Ábildınov.
Derek, sýret: Qaraǵandy oblystyq tótenshe jaǵdaılar departamentiniń baspasóz qyzmeti.