Saılaýshylarmen salıqaly áńgime

«Aýyl» halyqtyq-demokratııalyq patrıottyq partııasy óziniń saılaý naýqanyndaǵy úgit-nasıhat jumystaryn júıeli túrde jalǵastyrýda. Máselen, keshe «Aýyl» partııasy respýblıkalyq qoǵamdyq shtabynyń músheleri Kókshetaý qalasyna baryp, saılaýshylarmen kezdesý ótkizdi. «Aýyl» partııasynyń belsendileri Kókshetaý qalasyndaǵy aspazdyq-kondıterlik ónim shyǵaratyn «Lenev» jeke kásipkerliginiń tynys-tirshiligimen tanysyp ári osy óndiris ornyndaǵy eńbek ujymymen salıqaly áńgime qurdy. «Aýyl» partııasynyń músheleri kásiporyn qyzmetkerlerine «Aýyl dástúrin jańǵyrtamyz» atty saılaýaldy baǵdarlamasyn túsindirip, onyń negizgi basym baǵyttaryna toqtaldy. «Elbasy Nursultan Nazarbaev ha­lyq­qa «Máńgilik El» ulttyq ıdeıasyn jarııa etti. Bizdiń partııamyzdyń da bas­ty maqsaty – halyqtyń dástúrli qun­dy­lyqtaryn damytý, Otanymyz – Qazaq­stannyń táýelsizdigin bekemdeı túsip, «Máńgilik Eldi» nyǵaıtý», – dedi «Aýyl» partııasynyń tóraǵasy Álı Bektaev. Odan ári spıker birqatar ózekti má­seleler jóninde sóz qozǵaı kelip, aýyl­sharýashylyq ónimderin nesıe­leý jáne sýbsıdııalaý sharalaryn jetil­dirý, aýylsharýashylyq ónimderin óndirý, óńdeý, saqtaý jáne tasymaldaýǵa ar­nalǵan, aýylsharýashylyq taýar ón­di­rý­shilerine servıstik jáne nesıeleý qyz­metin kórsetetin kooperatıvterdi qu­rýdy yntalandyrý jáne basqa da jaǵ­daıattardy atap kórsetti. Al «Bıznestiń jol kartasy-2020» baǵdarlamasy boıynsha memleketten sýbsıdııa alyp, sonyń arqasynda órisin keńeıte túsken «Lenev» kásiporny joǵary sapaly kondıterlik, nan-toqash ónimderin shyǵaratyn zaman­aýı jabdyqtarmen qamtamasyz etilgen. Bul aspazdyq-kondıterlik sehtyń daıyndaıtyn ónimderi jergilikti halyq arasynda suranysqa ıe, kópke tanymal. О́ndiris orny basshysynyń aıtýynsha, búgingi tańda memleket bıznesti damytý baǵytynda aýqymdy sharalar atqaryp keledi. Sonyń arqasynda shaǵyn kásipkerler isiniń órisin keńeıtýge mol múmkindikter týyp otyr. Al kásiporyn eńbekkerleri: «Biz jergilikti, ásirese, aýyldyq jerlerde bıznestiń qarqyndy damyǵanyn qalaımyz. Sebebi, bul aımaq halqyn jumyspen qamtyp qana qoımaı, naryqtaǵy otandyq ónim kólemin arttyrady», – dep esepteıdi. Jıyn barysynda «Aýyl» partııa­synyń ókilderi tabystyń kózin taba bil­gen, memleket bergen múmkindikti qalt jiber­meı paıdalanyp, búginde naryqtan óz or­nyn tapqan kásiporyn ujymyna sáttilik tiledi. Joldybaı BAZAR, «Egemen Qazaqstan». KО́KShETAÝ.