PAVLODAR. 25 aqpan. Bul jańashyldyq Eýrazııalyq Top (ERG) quramyna kiretin «Eýroazıattyq energetıkalyq korporasııasy» AQ-tyń №3 energoblogynda ınvestısııalyq baǵdarlama sheńberinde júzege asyryldy. Zamanaýı jabdyqtardy iske qosýǵa kompanııa 66,81 mıllıon teńge qarajat jumsady. Bul týraly egemen.kz tilshisi habarlady.
Avtomatty basqarý júıesi joǵarǵy tehnıkalyq kórsetkishterge qol jetkizýge múmkindik beredi. Senimdi, tıimdi. Eski jabdyqtar 10 jyl shydap keldi. Aptasyna 7 kún, táýligine 24 saǵat jumys istedi.
«Jańa tehnologııaǵa almastyrý ońaı bolǵan joq, biraq, júzege asty», – deıdi «Eýrazııalyq energetıkalyq korporasııa» aksıoner qoǵamynyń elektrlik stansııasynyń jylý avtomatıka men ólsheý sehynyń basshysy Roman Paýstıanov.
Stansa mamandary 4 bólikti, 7 operatorlyq termınal (kompıýter), tórt MH-termınal (alystaǵan grafıkalyq termınal), 3 jelilik kommýtator, jeldik kommýnıkasııalardy aýystyrdy. Qural-jabdyqtardy aýystyrý jumysymen «Interavtomatıka» jaýapkershiligi shekteýli seriktestiginiń mamandary birge aınalysty. Stansa energobloktarynyń qýattylyǵy 300-325 MVt quraıdy. Barlyǵy birlesip jańa avtomatty júıeniń jumysyna, qyzmetterine qyzyǵýshylyq tanytyp qana qoımaı, ornatýdyń joǵary deńgeıin kórsetti. Dál osyndaı tehnıkalyq sheshim №4 energoblogynda jumys jasap tur. Qazir №3 energoblok jelige qosylyp, alǵashqy kılovatt-saǵattardy óndirýde. Stansa 2001 jyldan beri jabdyqtardy jańartý jáne qaıta qurý baǵdarlamasy júzege asyryp jatyr. Endi №5 energııa blogynda quny 277 mıllıon dollar turatyn qaıta qurý jumystary júrgiziledi.
Farıda Byqaı.
Derek, sýret: egemen.kz.