Ekonomıkanyń ilgerileýi bıznesti damytýǵa táýeldi

О́ńirde partııalardyń saılaýaldy úgit-nasıhat jumystary qyza tústi. Keshe Qazaqstan Parlamenti Májilisi depýtattyǵynan úmitker, «Aq jol» partııasynyń tóraǵasy Azat Perýashev bastaǵan top «Qa­zaq­stan temir joly» Ulttyq kompanııa­sy» AQ fılıaly – Aqtóbe temirjol bó­lim­shesinde partııanyń belsendi múshe­lerimen jáne saılaýshylarmen kezdes­ti. Kezdesýge aqtóbeliktermen birge, kór­shiles Mańǵystaý, Atyraý, Qyzylorda oblystarynan da ókilder qatysty. Alǵashqy bolyp sóz alǵan Májilis de­pýtattyǵynan úmitker Azat Perýashev úgit-nasıhat jumystaryn dabyralatpaı, baısaldy júrgizip jatqandaryn til­ge tıek ete kele, partııanyń saı­laýal­dy baǵdarlamasyndaǵy basym baǵyttarǵa toqtaldy. – Táýelsizdikti nyǵaıtý men ulttyq qundylyqtardy qorǵaýǵa basa mańyz be­riledi. Shynaıy naryqtyq ekonomı­ka­ny qurý jáne jeke bıznesti damytý da kún tártibindegi ózekti máse­le re­tinde nazarda ustalady. Kásipker­likti tunshyqtyratyn jemqor­lyqpen kúresti kúsheıtýge baǵyt usta­lady. Sondaı-aq, kóleńkeli ekonomıka arqyly jınalyp, elimizden syrt jer­ge shyǵarylǵan mıl­lıardtaǵan qarjy­ny qaıtarý da par­tııa qolǵa alatyn sharýa­lardyń basynda tur. Osyndaı maqsat­tarǵa tek demokratııalyq ustanym­dar­dy damy­tý, myqty Parlament pen bı­lik or­gandarynyń qoǵam aldyn­­daǵy jaýap­kershiligin arttyra oty­ryp, eseptilikti qalyptastyrý nátıje­sinde ǵana jetýge bolady. Mine, osy qa­dam­dar­dyń astarynda qyrýar jumys­tar jasaýǵa týra keledi. Bizdiń par­tııa­lyq ustanymymyz da, naqty ju­my­symyzdyń basym ba­ǵyt­tary da osylar­dan arna tartady. Biz bul kezdesýde qoǵamdy damytýǵa baı­la­nysty usynys­tardy jınaqtaýdy da qaper­de ustaý­damyz. Ol bizdiń aldaǵy ýa­qyt­­taǵy jumys­tary­myzǵa baǵdar be­re­­ri sózsiz, degen A.Perýashev par­tııa­nyń jumys jos­par­larymen tanystyra ketti. Kezdesýde sóz sóılegen Qazbek Isa alashtyń arysy Ahmet Baıtursynovtyń «Saýatty bolý úshin oqýymyz kerek, baı bolýymyz úshin kásippen aına­ly­­sýymyz kerek, al myqty bolý úshin aýyz­birshiligimiz myqty bolý kerek» degen qanatty sózderin jadyda jańǵyrtyp, «Aq jol» týy astynda birigýge shaqyrdy. Partııanyń eldiń erteńi jarqyn bolýy jolyndaǵy ustanymdarynyń ulttyq múddeni kózdeıtinin atap ótti. Oblysta «Aq jol» partııasynyń 10 myńnan astam múshesi bar. Solardyń arasynan oblystyq máslıhatqa – 3, qala­lyq máslıhatqa – 5 jáne aýdandyq más­lıhattarǵa 7 úmitker saılaýǵa túsý­de. Aqjoldyqtar osylaı kúsh biriktire qımyldaýǵa ázir ekendikterin bul joly da kórsetti. Satybaldy SÁÝIRBAI, «Egemen Qazaqstan». Aqtóbe oblysy.