Belsendilik

Atyraý oblysynda da ár deńgeıdegi máslıhattar depý­tat­tyǵyna usynylǵan kandıdattardy tirkeý aıaqtaldy. Oblystyq aımaqtyq saılaý komıssııasynyń tóraǵasy Asaý Ibrashevtyń málim etýinshe, 134 okrýg boıynsha usynylǵan 433 kandıdattyń 414-i tirkeýden ótti. Olardyń ishinde oblystyq máslıhatqa 27 saılaý okrýgi boıynsha usy­nyl­ǵan 90 kandıdattyń 87-si, al Atyraý qalalyq máslıhatyna 19 saılaý okrýginen usynylǵan 65 kan­dıdattyń 62-si tirkelgen. Aýdandyq máslıhattarǵa 278 kan­dıdat usynylyp, olardyń 265-i tirkelipti. Barlyq deń­geı­degi máslıhattarǵa usynylǵan kandıdattardyń arasynan 19 kandıdat óz ótinishterin keri qaıtaryp alǵan. Máslıhattarǵa usynyl­ǵan­dardyń arasynda 365 (88%) kan­dıdattyń joǵary bilimi bar, al arnaıy orta bilimmen – 35 kandıdat (8%) jáne orta bilimmen – 14 kan­dıdat (4%) saılaý dodasyna túskeli otyr. Kandıdattardyń kásibı mamandyǵy týraly aıtar bolsaq, dáriger – 21 adam (5%), ınje­ner – 74 adam (17%), bilim berý sa­lasynyń qyzmetkeri – 103 adam (24,9%), zańger – 42 adam (10%) jáne basqa mamandyqty meń­gergender úlesi 174 (44%) adamdy quraıdy. Saıası partııalardan 139 kandıdat bar, olardyń arasynda 134 kandıdat «Nur Otan» partııasynan, 3 kandıdatty Qazaqstan Kommýnıstik Halyq partııasy, ekeýin «Aq jol» demokratııalyq partııasy usyn­ǵan. Atyraý máslıhattarynyń depýtattyǵynan úmitker kan­dı­dattardyń arasynda 297 er adam (72%) jáne 117 áıel adam (28%) bolsa, olardyń 275-i ózin-ózi usy­nypty. Kandıdattardyń ortasha jasy – 44. Joldasbek ShО́PEǴUL, «Egemen Qazaqstan». ATYRAÝ.