Elbasy Jarlyǵymen Bolat Baqaýov Pavlodar oblysynyń ákimi qyzmetine taǵaıyndaldy. О́ńir aktıvine jańa basshyny Premer-Mınıstr Kárim Másimov tanystyrdy. Jıynǵa Prezıdent Ákimshiliginiń Basshysy Nurlan Nyǵmatýlın de qatysty.
Premer-Mınıstr óz sózinde B.Baqaýovtyń jergilikti jerdi jaqsy biletinin, oblysta týyp-óskenin atap ótti. Aıtsa aıtqandaı, óńirdi jaqsy biletin jańa ákimdi endi alda qyrýar sharýa kútip tur. Al oǵan jerlesteriniń úlken senim artyp otyrǵandaryn da aıta keteıik.
B.Baqaýov 1971 jyly oblystaǵy Jelezın aýdanynda týǵan, 2003 jyly Qazaq quqyqtaný jáne halyqaralyq qatynastar ınstıtýtyn quqyqtaný mamandyǵy, 2005 jyly Halyqaralyq bıznes akademııasyn ekonomıka jáne kásiporyndardy basqarý mamandyǵy boıynsha támamdady.
Eńbek jolyn 1988 jyly bastady. 1993 jyldan 2008 jylǵa deıin shaǵyn qurylymdarda basshylyq qyzmetter atqarsa, 2008 jyly Qashyr aýdanynyń, 2011 jyldan 2014 jylǵy sáýirge deıin Aqsý qalasynyń ákimi, 2014 jylǵy sáýirden qazirgi ýaqytqa deıin Pavlodar qalasynyń ákimi boldy. Oblystyq máslıhattyń III-IV shaqyrylymdarynyń depýtaty.
Farıda BYQAI,
«Egemen Qazaqstan».
PAVLODAR.