ASTANA. 26 sáýir. Boksshy Gennadıı Golovkın amerıkalyq Domınık Ýeıdpen bolǵan jekpe-jegindegi jeńisin Prezıdenti Nursultan Nazarbaevqa arnady. Bul týraly sport.kz-ke silteme jasaǵan egemen.kz tilshisi habarlaıdy.
Qazaqstan halqy Assambleıasy tóraǵasynyń orynbasary Eraly Toǵjanov Astanada ótip jatqan Assambleıanyń XXIV sessııasynda otandasymyz Gennadıı Golovkınniń hatyn oqyp berdi.
«Qurmetti Nursultan Ábishuly, Sizdi Qazaqstan halqy Assambleıasynyń XXIV sessııasynyń ashylýymen quttyqtaımyn. Men «Nur Otan» partııasynyń XVI sezinde Sizdiń bergen tapsyrmańyzdy oryndaǵanymdy qýana habarlaımyn. Bul jeńisimdi Sizge arnaımyn, Nursultan Ábishuly. Beıbitshilik pen kelisim bizdiń basty baılyǵymyz bolyp qala bersin. Sizge zor densaýlyq, amandyq tileımin», – dedi Golovkın joldaǵan hatynda.
Talǵat Raıymbek.
Derek, foto: sport.kz.