ASTANA. 26 sáýir. Úndistannyń ońtústik-batysyndaǵy Karnataka shtatynda júk mashınasy men jeńil motorıksha kóligi soqtyǵysyp, 11 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
Polısııa qyzmetkerleri apattyń tumandy aımaqta bolǵanyn málimdedi. Aldyn ala boljam boıynsha motorıksha kóliginde shamamen 20 jolaýshy bolǵan. Oqıǵa ornynda 9 adam mert bolsa, ekeýi aýrýhanaǵa barar jolda kóz jumǵan.
Júk kóliginiń júrgizýshisi oqıǵa ornynan izin sýytyp úlgergen. Qazir oǵan izdeý jarııalandy.
Aıta keteıik, Úndistan jol apaty boıynsha jáne osydan qaza tabýshylar kórsetkishi boıynsha álemde aldyńǵy elderdiń qatarynda tur. Ońtústik Azııa memleketinde jylyna 200 myńǵa jýyq adam jol-kólik oqıǵasynyń qurbany bolyp, júzdegen myńy túrli deńgeıde jaraqat alady.
Aıan Ábdýálı.
Derek: TASS.
Foto: 24.kz.