QOSTANAI. 28 sáýir. Qostanaı oblysyndaǵy mektepterde «Adal jáne satylmaıtyn jumys beınesi» atty balalar sýretteriniń oblystyq baıqaýy ótti. Bul týraly Qostanaı oblysy boıynsha sybaılas jemqorlyqty aldyn alý basqarmasynyń baspasóz qyzmetine silteme jasaǵan egemen.kz tilshisi habarlady.
Oǵan Qostanaı oblysynyń qalalar men aýdandarynyń jalpy bilim berý mektepterimen 65 jumys usynyldy. Jumystar sarapshylar tarapynan jalpyǵa ortaq eńbek, adaldyq ıdeıasyn jáne máneiz-qulyq normasyn balalardyń sýret arqyly qanshalyqty kórsetip bere alýy turǵysynan baǵalandy. Soynmen qatar, avtordyń tańdaǵan taqyrybynyń ózektiligi, qoldanǵan dızaıny men tehnologııa sheberlgi de eskerildi.
Osylaısha, jalpy bilim berý mektepteriniń 5-6 synyp oqýshylary arasynda «Adal jáne satylmaıtyn jumys beınesi» konkýrsynyń jeńimpazy Qostanaı qalasyndaǵy №17 mektebiniń 5 synyp oqýshysy Krıjanovskıı Vladımır depı tanyldy. Ekinshi oryndy №3 mekteptiń 6-shy synyp oqýshysy Ovcharenko Alına alsa, úshinshi oryn Jitiqara aýdanynyń Qusaqan negizgi mektebiniń 5-shi synyp oqýshysy Kelmuhambetova Dınaraǵa buıyrdy.
Memlekettik qyzmet isteri mınıstrliginiń Qostanaı oblysy boıynsha departamentiniń sybaılas jemqorlyqty aldyn alý basqarmasynyń bas mamany Dıas Ahmetjanov: «Is-shara beıneleý óneri arqyly balalar boıynda adaldyq dánin egýge, olardyń sybaılas jemqorlyqqa qarsy ishki mádenıetin qalyptastyrýǵa, bireýdiń ala jibin attamaýǵa tárbıeleıdi» – dedi.
Názıra Járimbetova.
Derek, foto: egemen.kz.